LAMKALTU 20:1 - Lai (Hakha) Common Language Bible 2006

¹ Hnahnawhnak kha a daih tikah Paul nih khan a zummi kha a kawh hna i thazang peknak bia a chimh hna hnuah, dam tein rung um u, tiah a ti hna i Masidonia ram leiah khan a kal.

Laibaibal Thiang (BSI)

¹ Buainâk a dih hnu ah Paul nih zultu kha a sinah a kawh hna i a pom hna hnu ah Masidonia lei panh in a chuak.

LAMKALTU 20:1 Referans Kwoze

2 KORIN 7:5

Masidonia kan phak hnu hmanh ah dinh mui kan hmu hlei lo. A kenkip ah harnak a um, pakhat le pakhat an i si, kan lung chungah phannak a um.

LAMKALTU 19:21

Hi bantukin thil a um hnuah Paul nih Masidonia ram le Grik ram kha ka tlawng lai i Jerusalem ah ka lan colh te lai, tiah a ruah. “Cun cuka ka phak hnuah Rom zong hmuh hrimhrim kaa zuam lai,” tiah a ti.

1TIMOTE 1:3

Masidonia ram lei ka rak kalpah i ka rak in fial bantuk khan, Efesa khua ah um law ti ka duh. Efesa khua ah khan, cawnpiaknak hmaanlo a cawnpiaktu hna an um i kha hna kha ngolter kho hna law ti ka duh.

1THESALON 5:26

Kan unau pawl kha Khrihfa daihnak kuttlaihnak in rak biachawn hna u.

1 KORIN 16:20

Hika i a ummi unau vialte nih nan kut an in tlaih hna. Pakhat le pakhat a thiangmi kuttlaihnak in i biachawn u.

1 KORIN 16:5

Masidonia ram kha ka tanpah lai caah Masidonia ram ka tlawn dih cun nan sinah ka ra lai.

ROM 16:16

Nannih cu unau dawtnak in pakhat le pakhat i biachawn u. Khrih ta a simi Khrihfabu vialte nih nan kut an in tlaih hna.

LAMKALTU 20:37

An ṭahpah in an kuh an hnamh i, dam tein vaa kal ko cang kun, an ti.

LAMKALTU 20:10

Sihmanhsehlaw Paul cu a vung ṭum i a bawhhnawh i a ṭang ah aa behchih. “Nan thinphang hlah u, a nung ko rih!” tiah a ti.

LAMKALTU 16:9

Cu zan ah cun Paul nih langhnak pakhat a hmuh i cu ah cun mipa pakhat, Masidonia mi a simi kha a dir i, “Masidonia leiah hin ra law ra kan bawm,” tiah a ti lengmangmi kha a hmuh.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

GENESIS 48:10

Israel cu a tar cang caah a mit khua a hmu kho set ti lo. Josef nih a pawngah cun a hei kalpi hna i a rak pom hna i a rak hnamh hna.

2 KORIN 13:12

A thiangmi kuttlaihnak in pakhat le pakhat i biachawn u. Pathian mi vialte nih nan kut an in tlaih hna.

LAMKALTU 16:12

Cuka cun ram chungah khan kan lut i Filipi khua kan phan, Filipi khua cu Masidonia ram chung i a um vemi peng peng khat a khualipi a si; cun Rom mi hna ram thar zong a si fawn. Cu khua ah cun ni thum li kan cam.

LAMKALTU 20:2

Cuka ram chung khua kha a ṭolpah duahmah hna i thazang peknak bia kha a chimh hna. Cun Grik ram kha a phan i

LAMKALTU 20:3

cuka ah cun thla thum a um. Siria i kal dingah a tlam a tlin nawnpah tikah khan Judah mi nih rawi an ka zalh ti kha a hngalh i cucaah Masidonia lei tu khan kal aa tim ṭhan.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.