LAMKALTU 2:46 - Lai (Hakha) Common Language Bible 2006

⁴⁶ Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

Laibaibal Thiang (BSI)

⁴⁶ Cuticun nichiarte lungrual tein ṭempal ah an um tawn i innkhat hnu innkhat ah changreu cheu in lungthin tluangtlam le lawmhnâk he rawl an eiṭi tawn.

LAMKALTU 2:46 Referans Kwoze

LAMKALTU 5:42

Cun nifate in biakinn chung le mi inn kip ah Messiah a simi Jesuh kong Thawngṭha kha an cawnpiak hna i an chimh lengmang hna.

LAMKALTU 2:42

Lamkaltu hna cawnpiaknak ngaih awkah khan atu le atu an i pum i hawikomhnak ah khan an i tel i hawikomhnak rawl an dum ṭi i thla an cam ṭi lengmang.

LAMKALTU 20:7

Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.

SALM 86:11

Bawipa, tuah seh ti na ka duhmi kha ka cawnpiak law na nawl kha fel tein ka zulh lai; ka lungthin a dih umnak in na rian ka ṭuan nakhnga ka cawnpiak ko.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

LAMKALTU 16:34

Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

KOLOSE 3:22

Salle hna, nan bawile kha zeizong ah an nawl ngai hna u. An mit hmuh lawngah an lungton i zuam loin Bawipa nan hmaizah caah lungthin tak tein an nawl ngai hna u.

ROM 12:8

midang thazang pek kha a si ahcun kan pek hna awk a si, kan ngeihmi thil midang hrawm ve kha a si ahcun siang tein kan hrawm hna awk a si, nawl ngeihnak kha kan laksawng hmuhmi a si ahcun, fak piin rian kan ṭuan awk a si; midang zaangfah kha a si ahcun lunglawm tein kan zaangfah hna awk a si.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

LUKA 24:53

an caan vialte cu Biakinn chungah khan Pathian thangṭhatnak caah an hman.

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

LAMKALTU 5:21

A bia cu lamkaltu hna nih khan an ngaih i khua a dei cangka tein biakinn chungah khan an lut i mizapi cu an cawnpiak hna. Tlangbawi Ngan le a hawile hna kha an ra i Sanhedrin khawngsil pumhnak kha an tuah, cucu Israel miphun khawngsil a ningpi in i pumhnak kha a si; cun lamkaltu hna kha kan hmaiah rak chuahpi hna u, tiin thonginn ah khan mi an hei thlah hna.

LAMKALTU 3:1

Ni khat cu, zanlei suimilam pathum, thlacam caan ah khin, Peter le Johan cu biaknak inn ah khan an hung kal.

LUKA 24:30

Anmah sinah cabuai ah khan a ṭhu i changreu kha aa lak i thla a cam i changreu cu a beuh i a phawt hna.

MATTHAI 6:22

Mit hi pum caah meiinn a si. Nan mit a ṭhat ahcun nan pum cu a dihlak in ceunak in a khat lai;

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

EFESA 6:5

Sal hna, nan bawile cu ther le phang bu tein an nawl ngai hna u; Bawi Khrih rian nan ṭuan i lungthin tak tein nan ṭuan bantuk khan, an nawl nan ngaih hna zongah cun lungthin tak tein ngai hna u.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

1 KORIN 10:16

Thluachuahnak hrai ca i Pathian kan lawmh tikah, hi hrai kan din tikah hin Khrih thi kha kan i hrawm a si lo maw? Cun changreu kan ei ṭimi hi tah: hi changreu kan ei ah hin Khrih pum kan i hrawm a si lo maw?