LAMKALTU 2:33 - Lai (Hakha) Common Language Bible 2006

³³ Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

Laibaibal Thiang (BSI)

³³ Cucaah Pathian orhlei kut ah thangṭhat in a um i pêk awkah kamhmi Thiang Thlarau cu Pa sinin a hmuh, atu i nan hmuh le nan theihmi hi Amah nih a kan toihmi a si.

LAMKALTU 2:33 Referans Kwoze

LAMKALTU 1:4

Cun an sin i a um lioah khan hi nawlbia hi a pek hna i, “Jerusalem khua hi chuahtak hlah u, ka Pa nih a rak in kamhmi hna laksawng ka rak in chimhmi hna tu kha hngak ko u.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

LAMKALTU 2:17

‘Ni hmanung bik ah cun mi vialte kha ka Thlarau ka toih hna lai. Nan fapa hna le nan fanu hna nih bia an chim lai; Nan tlangval hna nih langhnak an hmuh lai i Nan tar hna nih mang an manh lai.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

LAMKALTU 10:45

Judah mi lakah zumtu, Joppa khua in Peter a run zul vemi hna nih khan Jentail mi cung zongah Pathian nih a Thiang Thlarau laksawng kha a toih ve ko ti an hmuh tikah an khuaruah a har.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

JOHAN 14:16

Ka Pa kha ka hal lai i Bawmtu a dang, an pek hna lai i a zungzal in an umpi hna lai.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

HEBRU 10:12

Asinain Khrih nih cun raithawinak kha sualnak caah voi khat a ser i cucu zungzal ca in a za ko, cu hnuah Pathian orhlei kamah khan a ṭhu.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

ISAIAH 53:12

Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

SALM 89:24

Amah cu ka dawt zungzal lai i a cungah zumhawktlak in ka um zungzal lai; ral teinak kha ka pek zungzal lai.

SALM 89:19

Zumhawktlak a simi na sal hna sinah hlan liopi ah langhnak in bia na chim i, “Ralkap min thang pakhat cu bawiluchin ka chinh cang; mizapi hna chungin thimmi kha bawiṭhutdan cu ka pek cang.

TITAS 3:6

Jesuh Khrih kan khamhtu thawngin Pathian nih Thiang Thlarau cu tampi in a kan toih i

EFESA 4:8

Cucaah Cathiang nih, “A sannak bik hmun ah a hung kai tikah sal tlaihmi tampi kha aa kalpi hna; mi kha laksawng a pek hna,” a timi kha ahmaan taktak.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 15:26

“Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai.

LUKA 24:49

Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in ṭhawnnak kha nan cung i a tlun hlantiang khuapi chung hin hngak ko u,” tiah a ti hna.

ISAIAH 52:13

Bawipa nih aa thawh i, “Ka sal cu a rianṭuanmi ah khan khuaawng a tong lai; a lian a ngan lai i upatnak a hmu lai.

SALM 118:16

a ṭhawnnak nih teinak a kan pek, a ṭhawnnak a liannganmi nih raltuknak hmun ah teinak a kan pek!” an ti.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.