LAMKALTU 2:27 - Lai (Hakha) Common Language Bible 2006

²⁷ Mithikhua ah khan ka thlarau cu na kaltak lai lo caah Ruahchannak ngei in hnangam tein ka um ko lai. Nangmah an tlaihchanmi na sal cu ṭhutnak kha na hmuhter lai lo.

Laibaibal Thiang (BSI)

²⁷ Zeitintiah ka thlarau mithi khua ah na kaltâk lai lo i na Mithiang cu thutmân na siang lai lo.

LAMKALTU 2:27 Referans Kwoze

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

LAMKALTU 2:31

David nih cun Pathian nih zeidah a tuah lai ti kha a rak hmuh i cu caah, ‘Amah cu mithikhua ah a kaltak lo, a titsa cu thutnak a hmu lo,’ tiah a rak ti tikah hin, Messiah a thawh ṭhan lainak kong kha a chimmi cu a si.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

BIAPHUAN 20:13

Cun rili nih a chung i a thimi kha a hun chuah hna. Thihnak le mithi khua zong nih khan, an hrenmi mithi kha an hun chuah ve hna. An dihlak in an tuahning cio khan an bia an ceih hna.

1 KORIN 15:55

“Thihnak, na mi teinak cu khuazei ah dah a um? Thihnak, mi fahnak na pek khawhnak hmual cu khuazei ah dah a um?”

1 KORIN 15:52

muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

JOHAN 11:39

Jesuh nih, “Lungpher hi ṭhial tuah u,” tiah a ti hna. Mithi pa far Martha nih cun, “Bawipa, a nam tuk cang lai, kan vuinak ni li a si cang,” tiah a ti.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

LUKA 4:34

“Nazareth khuami Jesuh, zeidah na kan duhnak a si? Kanmah hrawh awkah maw hika ah hin na rat? Nangmah cu aho na si kha kan hngalh ko — Pathian lamkaltu a thiangmi na si ko,” tiah a ti.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

MARKA 1:24

“Nazareth khuami Jesuh, zeidah na kan duhnak a um? Kanmah hrawh duh ah maw na rat? Nangmah cu Pathian lamkaltu a thiangmi na si kha kan hngalh ko ṭung!” tiah a ti.

MATTHAI 11:23

Cun nang Kapernaum khua. Van ah i hlorhning ti na duh. Sihmanhsehlaw hell chungah vun hlonh na si lai. Zeicahtiah na chungah ka tuahmi khuaruahharnak vialte hi Sodom khua chungah khan tuah rak si hna seh law, nihin ni tiang hin a hmun ve ko rih hnga.

JONAH 2:6

Tlang hna kehram hrimhrim kha ka vung phan, A kutka aa hrenh zungzalmi ram kha ka vung phan; Sihmanhsehlaw Maw Bawipa, ka Pathian, a thukmi hmun chung khan nangmah nih na ka chuah.

SALM 116:3

Thihnak nih a hri in a ka ṭem, Sheol nih a kut in a ka khimh. Ṭihnak le lung retheihnak in ka khat.

SALM 89:19

Zumhawktlak a simi na sal hna sinah hlan liopi ah langhnak in bia na chim i, “Ralkap min thang pakhat cu bawiluchin ka chinh cang; mizapi hna chungin thimmi kha bawiṭhutdan cu ka pek cang.

SALM 49:15

Sihmanhsehlaw kei cu Pathian nih a ka khamh lai; thihnak ṭhawnnak chungin a ka chuah lai.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

LAMKALTU 3:14

Amah cu mithiang le miṭha a si nain nannih nih cun nan duh lo i Pilat cu lainawng lehlam kha kan thlahpiak ko, nan ti.

LUKA 16:23

Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

LAMKALTU 2:26

Hi ruangah hin ka lung cu aa lawm i ka bia cu thanuamnak in a khat; Kei cu a thi ko dingmi minung si hmanh ning law

LAMKALTU 2:28

Nunnak lei kalpitu lam kha na ka hmuhsak i Nangmah cu ka sinah na um caah lawmhnak in ka khat,’ a rak ti.