LAMKALTU 13:43 - Lai (Hakha) Common Language Bible 2006

⁴³ Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

Laibaibal Thiang (BSI)

⁴³ Cubangin â pummi cu an ṭin dih hnuah Judah mi hna le an biaknâk â hrawmmi hna lakah Pathian a duhmi tampi nih Paul le Barnabas kha an zulh, annih nih Pathian zângfahnâk ah um peng dingin thazâng an pêk hna.

LAMKALTU 13:43 Referans Kwoze

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

2 JOHAN 1:9

Khrih cawnpiaknak chungah um peng loin kar hlei a lammi nih cun Pathian kha an ngei lo. Cawnpiaknak chungah khan a um pengmi nih cun Pa he Fapa he an ngeih hna.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

FILIPI 4:1

Cucaah cun ka dawt i ka ngaihmi ka unaule hna, Bawipa chung i nan nunnak ah khan, cu bantuk cun fek tein dir ko u, nannih cu kaa lawmhnak le ka suiluchin nan si, ka dawtle hna.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

GALATI 5:1

A luatmi kan si cang. Khrih nih a kan luatter cang. Cucaah fek tein dir u law sal ah khan i ser ṭhan ti hlah u.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.

ROM 11:6

A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

ROM 5:2

Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

ROM 3:24

Sihmanhsehlaw kannih a kan tlantu Jesuh Khrih thawngin Pathian nih a vel cu a lak tein a kan pek i amah Pathian he cun a kan remter.

LAMKALTU 17:34

Asinain mi cheu cu amah sinah khan an i fon i a chimmi kha an zumh; cu hna cu Areopagas i biaceih bawi a simi Dionisias tehna, nu pakhat a min Damaris a simi tehna, mi dang tlawmpal kha an si.

LAMKALTU 17:4

A cheu cu an lung a pem i Paul le Silas sinah khan an i fon; cun Pathian a biami Grik mi mi tampi hna le nu upa tampi hna zong kha an i fon ve.

LAMKALTU 16:14

Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

LAMKALTU 14:3

Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

1 PETER 5:12

Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.

GALATI 5:4

Nawlbia zulhnak thawngin Pathian he remnak hmuh aa zuammi cu Khrih sinin nanmah le nanmah nan i ṭhen ko. Nannih cu Pathian vel leng i a ummi nan si ko.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

LAMKALTU 13:50

Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

LAMKALTU 6:5

Lamkaltu hna nih an chimmi cu an dihlak in an lung a si i cucaah zumhnak le Thiang Thlarau in a khatmi Steven, Filip, Prokhoras, Nikanor, Timon, Parmenas le Antiok khuami Jentail mi Nikolas, Judah phung a zulmi kha an thim hna.

LAMKALTU 2:10

Frizia ram hna, Pamfilia ram hna, Izipt ram hna le Libia ram chung i a ummi Sairin khua pawng ram hna in a rami kan si; cun a cheu cu Rom khua in a rami kan si,

MATTHAI 23:15

Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.

TITAS 2:11

Zeicahtiah Pathian nih a vel cu mi vialte khamhnak caah a phuan cang.

LAMKALTU 18:7

Cucaah annih cu a chuahtak hna i Jentail mi a min Titius Justas a simi inn ah khan a um; amah cu Pathian a biami a si i a inn cu pumhnak inn pawngah khan a si.