LAMKALTU 12:9 - Lai (Hakha) Common Language Bible 2006

⁹ Peter nih cun thonginn lengah khan a hei zulh. Asinain vancungmi nih a tuahmi cu a taktak a si rua ti awk a hngal lo, langhnak ka hmu rua tiah a ruah.

Laibaibal Thiang (BSI)

⁹ Cuticun a chuak i a zulh. Vanmi cawlcanghning cu a taktak si loin, langhnâk a hmumi ah â ruah.

LAMKALTU 12:9 Referans Kwoze

SALM 126:1

Bawipa nih Zion i a kan kirpi ṭhan ah khan, kan mang bantuk a rak si!

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

LAMKALTU 26:19

“Cucaah Agrippa Siangpahrang, vancung in ka hmuhmi langhnak cu al ka duh lo.

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, “Kornelias,” tiah a rung chawnh kha fiang tein a hmuh.

GENESIS 45:26

“Josef kha a nung ko rih. Amah cu Izipt ram vialte a uktu a si,” an ti. Jakob cu a lung a caw i a zum kho hna lo.

LAMKALTU 11:5

Aa thawh i, “Joppa khua ah khan thla ka cam i langhnak kha ka hmuh. Puan nganpi pakhat, a ki pali in van in an run thlakmi he aa lomi thil khi ka hmuh i ka pawngah khan a rung dir.

LAMKALTU 10:17

Peter cu a hmuhmi langhnak kha a sullam zeidah a si hnga tiah khuaruahhar in a ruah lengmang lioah khan Kornelias nih a thlahmi hna cu Simon inn kha an phan i a kutka hmaiah khan an rak dir cang.

LAMKALTU 9:10

Damaskas khua ah cun zultu pakhat Ananias an timi a rak um. Cu pa nih cun langhnak a hmuh i cu langhnak a hmuhmi ah cun Bawipa nih, “Ananias,” tiah a ti i anih nih, “Hika ah ka um, Bawipa,” tiah a leh.

JOHAN 2:5

Jesuh nu nih cun sinum pawl cu, “An chimhmi hna paoh kha tuah te u,” tiah a ti hna.

GENESIS 6:22

Cun Noah nih khan, Pathian nih a fialmi vialte cu a tuah dih.

LAMKALTU 12:8

Cun vancungmi nih cun a thawh i, “Na taisawm i sawmh law na kedan i danh tuah,” tiah a ti. Peter nih cu bantuk cun a tuah i vancungmi nih cun, “Na puan kha i aih law hung ka zul,” tiah a ti i,