LAMKALTU 1:3 - Lai (Hakha) Common Language Bible 2006

³ A thih hnuah ni sawm li chung an sinah voi tampi a lang i a nung ṭhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna.

Laibaibal Thiang (BSI)

³ an sinah a palh kho lomi hngalhpinâk tampi he, a temtuar hnuah a nung ṭhân tiah â langhter, ni sawmli chung an hmuh khawh dingin â lang i Pathian Pennâk kong kha a chimh hna.

LAMKALTU 1:3 Referans Kwoze

LAMKALTU 13:31

amah sin i Galilee in Jerusalem tiang khual a tlawng tawnmi hna sinah khan voi tampi a lang. Annih cu Israel mi sin i a tehte an si.

JOHAN 20:26

Cu hnu zarh khat ah khin a zultu hna cu inn chungah khan an um ṭhan i Thomas zong kha a um ve. Innka cu an hrenh dih hna, sihmanhsehlaw Jesuh cu a rung lut i an lakah khan a dir, “Nan cungah daihnak um ko seh,” tiah a ti.

1JOHAN 1:1

A hramthawk tein a rak um cangmi nunnak Bia kong kha ca in kan in kuat hna: cucu kan hna in kan theihmi le kan mit in kan hmuhmi kha a si; asi, kan mit in kan rak hmuh i kan kut in kan rak tawngh.

JOHAN 21:14

Thihnak in thawhter a si hnuah, atu hi Jesuh nih a zultu hna sinah a langh a voi thumnak a si.

JOHAN 21:1

Cu hnuah Jesuh cu a zultu hna sinah khan Tiberias Rili ah voi khat a lang ṭhan. A langhning cu hitihin a si:

MATTHAI 28:9

Jesuh nih, duak tiah a vun ton hna i, “Nan sinah daihnak um ko seh,” tiah a ti hna. Amah cu an hun zuanhnawh i a ke an i tlaih i an biak.

LAMKALTU 28:31

Pathian Pennak kong kha a chimh hna i Bawipa Jesuh Khrih kong kha a cawnpiak hna i ralṭha ngai le zeihmanh dawntu um loin a chimh hna.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

MATTHAI 21:43

Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.

DEUTERONOMI 9:9

Lungtlap hna, Bawipa nih nannih he biakamnak a sernak lungtlap hna, lak awkah tlang cungah ka hung kai tikah khan, tlang cungah khan ni sawm li le zan sawm li ka hung um; rawl zong ka ei lo, ti zong ka ding lo.

MATTHAI 4:2

Ni sawm li le zan sawm li rawl loin a um hnuah Jesuh cu a rawl a ṭam ngaingai.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

LAMKALTU 8:12

Sihmanhsehlaw Filip chimmi Thawngṭha, Pathian Pennak kong le Jesuh Khrih min kong kha an zumh tikah nu he pa he tipilnak kha an ing.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.