KOLOSE 1:5 - Lai (Hakha) Common Language Bible 2006

⁵ Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

Laibaibal Thiang (BSI)

⁵ Zeicatiah vanah nan ca i chiahmi ruahchannâk ruangah a si, cucu thawngṭha biatak kong nan rak theih cangmi kha a si,

KOLOSE 1:5 Referans Kwoze

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

1 PETER 2:2

Ngakchia chuakka bantuk si u law thlarau hnuk kha duh u, cu thlarau hnuk nan din thawngin nan ṭhang lai i khamhnak nan hmuh lai.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

1 KORIN 15:19

Khrih nih a kan pekmi ruahchannak hi atu kan nunchung ca lawng hi a si ahcun, mi vialte lakah zaangfah awk tlak bik cu kanmah hi kan si hnga.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.

GALATI 5:5

Kannih kan i ruahchanmi cu Pathian nih kannih cu amah he a kan remter lai ti hi a si i cucu Pathian Thlarau nih zumhnak thawngin a tuahmi thil kannih nih ngangngan ngaiin kan hngahmi hi a si.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

LAMKALTU 23:6

Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1 KORIN 13:13

A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a ngan bik cu dawtnak a si.

LAMKALTU 24:15

hi sual a ka phawtu hna zong nih an i ruahchan vemi, minung hi mi ṭha he mi ṭhalo he thihnak in kan tho ṭhan dih lai, ti hi kaa ruahchanmi a si ve.

SALM 31:19

Nangmah an ṭihtu hna caah na chiahmi thil ṭha cu zeitluk in dah khuaruahhar an si. Mi kip hmuh ah na tuahmi thil ṭha cu zeitluk in dah khuaruahhar a si, nangmah an bochanmi cu na huhphenh hna.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

ROM 10:8

Zumhnak thawngin Pathian he i remnak kong ah chimmi cu hiti tu hin a si. “Pathian bia cu nan pawngte ah a um ko, nan lei cung le nan lung chungah a um ko,” — hi bia hi zumhnak bia a si kan timi bia cu a si.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

2 KORIN 6:7

biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

GALATI 2:5

Asinain thawngṭha kha nan ca i him tein chiah ka duh caah minit pakhat hmanh kan i teiter hna lo.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

EFESA 4:21

Amah kong cu nan theih i amah zultu nan si bantukin Jesuh chung i a ummi biatak cu cawnpiak nan si.

2 PETER 1:12

Hi thil hi nan hngal ko cang nain le biatak nan hmuhmi chungah fek tein nan dir cang ko nain kan chimh ṭhan lengmang ko rih hna lai.