JONAH 3:10 - Lai (Hakha) Common Language Bible 2006

¹⁰ Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.

JONAH 3:10 Referans Kwoze

JEREMIAH 18:8

sihmanhsehlaw cu ka tlerhmi miphun nih cun a ṭhat lonak kha a mertak ahcun a cung i thil ṭhalo ka tuah lai ka timi kha a ṭhat deuhnak in ka ruah ṭhan lai.

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.

AMOS 7:6

Bawipa nih cun a bia cu a let i, “Hi zong hi a tlung ṭhan kun lai lo,” tiah a ti.

LUKA 11:32

Biaceih Ni ah cun Nineveh khuami cu an dir lai i nannih kha sual an in phawt hna lai, zeicahtiah annih cu Jonah bia chimmi an theih tikah khan an ziaza an i thleng, asinain hika ah hin Jonah nakin a ngan deuhmi a um ko ṭung,” tiah a ti.

EXODUS 32:14

Cucaah Bawipa cu a lung aa thleng i ka tlunter lai a timi thil ṭhalo kha Israel mi cungah cun a tlunter ṭhan lo.

AMOS 7:3

Cun Bawipa nih cun a bia cu a let i, “Hihi cu a tlung ṭhan kun lai lo,” tiah a ti.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

1 CHANRELNAK 21:15

Cun Pathian nih vancungmi cu Jerusalem kha hrawh awkah a thlah; sihmanhsehlaw hrawh hnik a vun zalh ah khin Bawipa nih a hmuh i ṭhat lonak kha Bawipa cu aa ngaichih i hrawktu vancungmi sinah cun, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Ornan phuhri pawngah khan a dir.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

JEREMIAH 42:10

Hi ram chungah hin nan um ko ahcun kan tunmer hna lai i kan ṭhetṭhiam hna lai lo, kan phun hna lai i kan phawi hna lai lo, zeicahtiah nan cung i ṭhat lonak ka tuahmi kha kaa ngaichih.

JONAH 4:11

Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

JEREMIAH 18:7

Zeitik caan paoh ah, miphun pakhat khat si hna seh, ram pakhat khat si hna seh, ka phawi lai, ka ṭheh lai, ka hrawh lai, tiah ka tlerh ko hnga,