JONAH 1:3 - Lai (Hakha) Common Language Bible 2006

³ Sihmanhsehlaw Jonah cu Bawipa sinin zam awkah khan Tarshish khua lei tu i kal awkah aa thawh. Joppa khua ah khan a va kal i khika ah Tarshish khua lei i a kal dingmi lawng pakhat kha a hmuh. A kalnak ding man kha a pek dih in lawng kha aa cit i Bawipa nih a phak khawh lonak Tarshish khua ah khan, cu lawng cun ka kal lai, tiah a ruah.

JONAH 1:3 Referans Kwoze

JOSHUA 19:46

le Mejarkon le Rakkon le Joppa changtu ram cu an i tel.

GENESIS 4:16

Kain nih cun Bawipa cu a kaltak i Eden nichuahlei i a ummi ram “Vahvaihnak ram” timi ah cun a va um.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 9:43

Peter cu Joppa khua ah khan saphaw sertu Simon sinah saupi a cam.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

ISAIAH 23:6

Ngaihchia in ṭap tuah u, Foinisia mi hna. Spain ram ah zam i zuam tuah u.

ISAIAH 23:1

Hi bia hi Tair kong bia a si. Rili cungah lawng in a kalmi hna, ṭap tuah u. Nan lawng dinhnak khua Tair khua cu a rawk cang; a inn vialte le a lawng dinhnak hmun hna cu an rawk cang. Nan lawng cu Saipras in an kir tikah cu thawng cu nan theih lai.

1 SIANGPAHRANG 19:3

Khi tikah a thin a phang i a tho i a zam i Judah ta a simi Beersheba khua ah a phan, khika ah a sinum kha a chiah ta.

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.

1 KORIN 9:16

Thawngṭha ka chim ruang menmen ah hin kaa porhlawt awk a si lo. A ngaite ti ahcun, va chim, tiah fial pei ka si cu. Thawngṭha cu chim loin rak um ning law zeitluk in dik ka caah a poi hnga!

LAMKALTU 26:19

“Cucaah Agrippa Siangpahrang, vancung in ka hmuhmi langhnak cu al ka duh lo.

EZEKIEL 27:12

Chawlehnak i na hram pakhat cu Tarshish kha a si i na lungthu hreng chaw caah tampi a ngeihmi ngun le thir le canphio le suan kha an pek.

ISAIAH 23:10

Kal u law lo va thlo u, Spain ram chung ram thar i a ummi hna. Ahohmanh nanmah hupphengtu ding an um ti lo.

JOB 1:12

Cun Bawipa nih Satan cu a thawh i, “Zohhmanh, a ngeihmi vialte cu nangmah kut chungah an um; amah taktak belte na kut cun tawng hlah,” tiah a ti. Cucaah Satan cu Bawipa hmaika cun a chuak.

2 CHANRELNAK 2:16

cun kannih nih na herhmi thing paoh cu Lebanon in kan rak in haupiak lai i rili in Joppa khua ah pum in kan ratpi lai i nang nih Jerusalem khua ah na hun kalpi hna lai,” a ti.

LAMKALTU 15:38

sihmanhsehlaw an khual tlawnnak a dongh tiang a rak zulh hna lo i Pamfilia in a rak kirtak hna caah khan Paul nih i kalpi awk cu a ṭha tiah a ruat lo.

LUKA 9:62

Jesuh nih a leh i, “Ahohmanh leithuan aa ot i hnulei a zoh peng ṭungmi cu Pathian Pennak caah santlaihnak a ngei lo,” tiah a ti.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

ISAIAH 60:9

Annih cu lamhla piin a rami lawng an si, Pathian mi hna, inn i a rak tlunpitu hna lawng an si. Bawipa, Israel Pathian thiang upat awkah sui le ngun kha an rak i phorh; Bawipa nih miphun dang vialte cu, a mi Israel mi kha, upatnak a pekter hna.

ISAIAH 2:16

Lawng ngan bikbik hna le lawng dawh bikbik hna hmanh kha ti chungah a pilter dih hna lai.

JOB 2:7

Cuticun Bawipa hmaika cun Satan cu a chuak i fih a nungmi hma in Job cu a kechik in a luthlung tiang a hrem.

1 SIANGPAHRANG 19:9

Cun khika ah lungkua pakhat ah a phan i a riak; cun zohhmanh, Bawipa bia cu a sinah a ra i amah cu, “Elijah, hika ah hin zeidah na tuah?” tiah a ti.

GENESIS 3:8

Cu ni zanlei sang ah cun Bawipa Pathian cu dum chung i aa chawh kha an theih i thing lakah khan an i thup.

LAMKALTU 9:38

Joppa khua cu Lidda khua khan a hla tuk lo i zultu pawl nih khan Peter cu Lidda ah a um ti an theih tikah mi pahnih an hei thlah hna i, “Khulrang in kan sinah ra ta tuah,” tiah bia an cah.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

SALM 107:23

A cheu cu rili cungah khan sangphawlawng in an kal i cuticun an paw an i cawm;

JEREMIAH 10:9

Denmi sui cu Tarshish in rak phorhmi a si i Sui cu Ufaz in rak phorhmi a si; An dihlak in zungthiampa le suisertupa sermi an si dih. Maimaw le kadipa in an thuamh hna, An zate in zungthiam sermi an si.

JONAH 1:10

Lawngcawng pawl cu an thin a phang i, “Zei thil ṭhalo dah na tuah?” tiah an ti. Annih cu a chimh hna caah Bawipa sinin a zam kha an hngalh.

2 CHANRELNAK 2:15

Cucaah ka bawipa nih na chimmi changvut, barli, chiti le mitsur hang hna cu na sal hna hi hun kua hna;

2 CHANRELNAK 9:21

Zeicahtiah Huram sinum hna he khan siangpahrang i a sangphawlawng cu Tarshish ah an kal tawn; kum thum ah voi khat lengmang Tarshish sangphawlawng nih sui, ngun, vui ho, zawng le awtaw kha an rak phorh tawn hna.

EZEKIEL 2:8

Sihmanhsehlaw mipa, nang tu cu ka bia hi ngai law anmah bantukin ral thawh duhmi si ve hlah. Na kaa kha ang law kan pekmi hi ei tuah,” tiah a ti.