JOHAN 8:53 - Lai (Hakha) Common Language Bible 2006

⁵³ Kan pu Abraham cu a thi cang; Abraham nakin ka ngan deuh na ti ko lo maw cu? Cun profet hna zong cu an thi cang. Aho ah dah naa rel?” an ti.

Laibaibal Thiang (BSI)

⁵³ A thi ciami hringtu kan Pa Abraham nâkin na ngan deuh maw? Profet zong an thi cang. Mi zei ah dah nâ ruah?” tiah an ti.

JOHAN 8:53 Referans Kwoze

JOHAN 4:12

Hi tikhor hi kan pu Jakob nih a kan pekmi a si; amah nih siseh, a fapale nih si hna seh, a saṭil run nih si hna seh, an rak dinmi tikhor cu hi tikhor hi a si. Jakob nak ngan deuh ah cun maw naa ruah?” tiah a leh.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

JOHAN 19:7

Judah mi nih cun, “Amah nih Pathian Fapa ka si tiah a ti caah kan phung bantukin thih awk a si,” an ti.

JOHAN 12:34

Mibupi nih cun an hei leh i, “Kan Phung nih Messiah cu zungzal in a nung lai, tiah a kan chimh. A si kun ah cun zeitindah Mi Fapa cu hler a si lai tiah na ti khawh? Mi Fapa timi cu ahodah a si?” an ti.

JOHAN 10:33

Judah mi nih cun, “Lung in cheh kan in duhnak cu thil ṭha ruangah a si lo, Pathian na serhsat ruangah khan a si deuh. Nang cu minung menmen na si ko nain Pathian ah ser naa zal,” an ti.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

JOHAN 5:18

Cu a chimmi ruangah cun Judah upa pawl cu amah thah kha a duhter chinchin hna; Sabbath ni a buar lawng kha si loin Pathian cu ka Pa tiah a kawh caah khan, Pathian tluk ah aa ser tiah an ti.

MATTHAI 12:6

A ngaingai ti ahcun, biakinn nakin a ngan deuhmi pei hika ah hin a um cu.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

MATTHAI 3:9

‘Abraham cu a kan hringsortu a si,’ tiin kan luat lai, tiah i ruat hlah u. Pathian nih hi lung hna hi Abraham tefa ah cun a ser khawh ko hna, ti hi kan chimh hna.