JOHAN 8:48 - Lai (Hakha) Common Language Bible 2006

⁴⁸ Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

Laibaibal Thiang (BSI)

⁴⁸ Judah mi nih, “Samaria mi, khuachia tuahmi kan rak inti kha a dik tak ko lo maw?” tiah an leh.

JOHAN 8:48 Referans Kwoze

JOHAN 7:20

Mizapi nih cun, “Khuachia na ngei i a si ko lai? Aho nih dah thah kan in zalh?” an ti.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

JOHAN 10:20

Mi tampi nih, “Khuachia a ngei, a hrut cang, zeicahdah a bia nan ngaih?” an ti.

JOHAN 4:9

Minu nih cun, “Nang cu Judah mi na si i kei cu Samaria mi ka si, zeitindah ti din awk na ka hal khawh?” tiah a leh. (Judah mi nih cun Samaria mi i an hmanmi khokheng kha hman an duh lo).

MATTHAI 15:7

Nannih mihrokhrawl hna. Nan kong Isaiah nih a rak chimmi hi a hmaan hringhran ko.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 10:5

Jesuh nih mi pahleihnih kha a thlah hna i, “Jentail mi ram ah siseh, Samaria mi hna khua ah siseh, va kal hlah u.

JEIM 2:19

Pathian cu pakhat lawng a si ti nan zumh. A ṭha ko. Khuachia zong nih cucu an zumh ve ko — an zumh ve ko i an ṭih caah a ther in an ther.

ROM 15:3

Zeicahtiah Khrih zong nih khan amah zawn lawng a rak i ruat lo. Cathiang nih, “Nangmah an vawlpamtu hna biachia cu keimah cungah a tla,” a ti bantuk khan a si lehlam.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

HEBRU 13:13

Cucaah cun amah sinah khan riah hmun lengah cun kal u si law a inmi ningzahnak kha va ing ve u sih.

MATTHAI 12:31

Cucaah hihi kan chimh hna: minung hi sualnak zeipaoh an tuahmi le thil ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

MATTHAI 11:18

Johan cu a ra i rawl a ul i zu zong a ding lo, asinain a mi kip nih, ‘Khuavang a ngei,’ an ti.

JOHAN 1:19

Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

JOHAN 8:22

Cucaah Judah upa hna nih cun, “ ‘Ka kalnak hmun ah nan ra kho lai lo,’ a ti. Keimah le keimah kaa that lai a ti duhnak maw a si hnga?” an ti.