JOHAN 8:46 - Lai (Hakha) Common Language Bible 2006

⁴⁶ Nan lakah hin ka sualnak a ka hmu khotu aho tal nan um maw? Biatak kan chimh ko hna, zeicahdah nan ka zumh duh lo?

Laibaibal Thiang (BSI)

⁴⁶ Nanlakah ahonihdah sual kongah thiamlo a ka coter kho lai? Cun biatak kan chimh hna ahcun, zeiruangahdah nan ka zumh lo?

JOHAN 8:46 Referans Kwoze

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 8:7

An hal chih lengmang caah ding tein a hung ṭhu i, “Nan lak i sualnak a tuah bal lomi nih chep hmasa bik seh,” tiah a hun ti.

MARKA 11:31

Anmah le anmah cu an i al i, “Zeitindah kan ti lai? ‘Pathian sinin,’ kan ti ahcun, Zeicahdah Johan cu nan zumh kun lo? a kan ti lai.

MATTHAI 21:25

Johan tipil peknak kha: Pathian sinin maw a si, minung sinin dah?” tiah a leh hna. Zeitindah kan leh lai, tinak caah khan pakhat le pakhat an i al lengmang i “Pathian sinin kan ti ahcun, zeicahdah nan zumh kun lo? a kan ti lai;

1 PETER 2:22

Sualnak zeihmanh a tuah lo, lih a chim bal lo.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 16:8

A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai.

JOHAN 15:10

Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.

JOHAN 8:47

Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si,” tiah a ti hna.