JOHAN 8:28 - Lai (Hakha) Common Language Bible 2006

²⁸ Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

Laibaibal Thiang (BSI)

²⁸ Jesuh nih, “Mi Fapa hi nan târ hnu ah, ‘Amah cu ka si’ ti le keimah nawl in zeihmanh ka tuah lo i Pa nih a ka chimhning tein bia ka chim ti kha nan hngalh te lai.

JOHAN 8:28 Referans Kwoze

JOHAN 5:30

“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

JOHAN 6:38

Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

JOHAN 3:14

Moses nih dar rul kha thetse ram lakah a tar bantuk khan Mi Fapa zong hi tar a si ve lai.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

JOHAN 19:18

Cuka ah cun vailam cungah khan an khenh chih; midang pahnih zong a kehlei ah pakhat a orhlei ah pakhat, an tah ve hna i Jesuh cu an karlak ah a um.

JOHAN 16:10

cun kei cu ka Pa sinah ka kal lai i nan ka hmuh ti lai lo caah hin, zeidah a ding timi kong ah an palh;

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

JOHAN 8:24

Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

JOHAN 3:11

Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo.

EXODUS 3:14

Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” a ti.

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

MATTHAI 24:5

Zeicahtiah ka min in mi tampi an ra lai i, ‘Keimah hi Messiah cu ka si,’ tiah an ti lai i mi tampi kha an hlen hna lai.

MARKA 13:6

Ka min i put in mi tampi an ra lai i, ‘Amah ka si,’ an ti lai i mi tampi kha an hlen hna lai.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

JOHAN 4:26

Jesuh nih cun a vun leh i, “Amah cu keimah hi pei ka si cu, nangmah he bia aa ruah lengmangmi hi,” tiah a ti.

JOHAN 8:27

A kan chimhmi hi Pa kong kha a si ti awk an hngal lo.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

JOHAN 13:19

Thil cu a hung si taktak tikah keimah hi amah cu ka si ko, ti kha nan zumh khawh nakhnga, hi thil hi a si hlanah ka rak in chimh chung hna.

JOHAN 18:32

(Jesuh nih zei bantuk thihnak dah ka in lai tiah a rak chimchungmi a tlinnak ding caah hi bangin thil a hung um cu a si).