JOHAN 6:27 - Lai (Hakha) Common Language Bible 2006

²⁷ Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

Laibaibal Thiang (BSI)

²⁷ A rawkral khomi rawl ruah ah i phar len hlah u, Mi Fapa nih pêk an timhmi hna rawl ruah tu ah i pharlen u; zeicatiah Pa Pathian nih Amah cu a chinchiah cang.

JOHAN 6:27 Referans Kwoze

KOLOSE 3:2

Hi vawlei cung thil hi si loin khika thil tu kha ruat hna u.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

JOHAN 6:54

Ka sa a ei i ka thi a dingmi paoh nih zungzal nunnak an ngei i hmanung bik ni ah nunnak ah ka thawhter hna lai.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

JOHAN 10:28

Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.

JOHAN 6:51

Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

JOHAN 17:2

Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

MATTHAI 6:19

“Rungrul le cirik nih an ei khawh i mifir nih an baoh i an fir khawhnak vawlei ah hin nan chaw va khong hlah u.

JOHAN 6:58

Cucaah vancung in a rungmi changreu cu hihi a si; nan pupa hna nih an rak eimi changreu bantuk kha a si lo, annih cu an thi, sihmanhsehlaw hi changreu a eimi cu zungzal in an nung lai,” tiah a ti hna.

2 PETER 1:17

Sunparnak Cung Nung Bik nih, “Hi hi ka dawtmi ka Fapa a si, ka lung a ka tongtu a si,” tiah a ti i Pathian kan Pa nih upatnak le sunparnak a pek tikah khan, cuka hmun ah cun kannih kha kan um.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

PHUNGCHIMTU 6:7

Mi nih heh tiah rian a ṭuan cu ei awk hmuhnak ding caah a si ko, sihmanhsehlaw kaa za cang ti cu a um kho hlei lo.

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

LUKA 3:22

Thiang Thlarau cu a pum in ṭhuro bantukin a cungah cun a rung ṭum. Cun vancung in aw pakhat a rung thang i, “Nangmah cu kan dawtmi ka fapa na si. Na cungah ka lung a tling,” tiah a ti.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

JOHAN 6:68

Simon Peter nih a hun leh i, “Bawipa, aho sinah dah kan kal hnga? Zungzal nunnak bia a ngeitu cu nangmah pei na si cu.

LUKA 9:35

Minmei chung cun aw pakhat nih, “Amah hi ka thimmi ka Fapa a si, a bia kha ngai u,” tiah a run chim.

SALM 40:7

cucaah cun, “Hika ah hin ka um ko; keimah cawnpiaknak ding caah na chiahmi cu Nawlbia cauk chungah an um ko.

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

HEBRU 12:16

Ahohmanh nu le pa sualnak tuah hlah u, thlarau lei thil zeihmanh i a rel lomi Esau bantuk zong si hlah u, anih nih cun rocotu sinak kha rawl voi khat ei men ah a zuar ko.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

KOLOSE 2:22

Hi phung hna hi cu, voi khat hman an si cang hnuah cun santlaihnak an ngei ti lo. Annih cu minung ser chommi phunglam le cawnpiaknak menmen an si.

1 KORIN 9:2

Midang nih cun lamkaltu ah ka rel hmanh hna hlah seh law nannih nih cun nan ka rel awk a si, zeicahtiah Bawipa chung i nunnak nan hmuhmi thawng hin lamkaltu ka si cu fiang tein a langhtertu nan si.

1 KORIN 6:13

Cun a cheu nih nan i thawh ṭhan i, “Rawl cu paw caah a si, paw cu rawl caah a si,” nan ti; a si taktak, sihmanhsehlaw Pathian nih a donghter veve hna lai. Minung pum hi sual tuahnak caah hman ding a si lo, Bawipa rianṭuannak ca tu ah hman ding a si deuh, Bawipa zong nih pum caah rian a ṭuan ve.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

JOHAN 8:18

Hika ah cun atu hi keimah ca i tehte cu keimah hi ka si, cun ka tehte a dang cu a ka thlahtu ka Pa kha a si,” tiah a ti.

MARKA 9:7

Minmei a hung zam i a hun zelh hna i minmei chung cun aw pakhat a hung chuak i, “Hihi ka dawtmi ka Fapa a si, a bia kha ngai u,” tiah a ti hna.

MARKA 1:11

Cun van in aw pakhat kha a theih i, “Nangmah hi ka Fapa dawt cu na si. Na cungah ka lung a tling ngaingai,” tiah aw nih cun a ti.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

JEIM 1:11

Ni cu a hung chuak i a linhnak nih pangpar kung kha a emh; a par cu a ṭil i aa dawhnak cu a lo. Cu bantukte cun mirummi cu hnahnawk luri ngaiin an rian an ṭuan cuahmah lioah khan an lo ko lai.

2 KORIN 4:18

Kannih nih kan i zohchihmi cu hmuh khawhmi thil hi si loin hmuh khawh lomi thil khi an si. Hmuh khawhmi thil cu caan tawite lawng a nguh, sihmanhsehlaw hmuh khawh lomi thil cu zungzal in a hmun.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

PHUNGTHLÛKBIA 9:5

“Ra u law changreu kha ei u law mitsur hang ka cawhmi kha ding tuah u.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

JOHAN 3:15

Cucaah cun amah a zummi paoh nih zungzal nunnak an ngei lai.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 6:53

Jesuh nih khan annih cu, “Biatak kan chimh hna: Mi Fapa ka sa hi nan ei lo i ka thi hi nan din lo ahcun nan chungah nunnak nan ngei kho lai lo.

JOHAN 6:62

Mi Fapa hi hmasa i ka rak umnak hmun i ka kai kha ka hmu u law tah zeitindah nan um kun hnga?

DEUTERONOMI 30:13

‘Kannih nih kan theih i kan tuah khawh nakhnga, ahodah kan caah rili lengah a kal in kan sinah a ratpi lai,’ tiah nan ti awkin rili lengah khin a um fawn lo.