JOHAN 3:25 - Lai (Hakha) Common Language Bible 2006

²⁵ Johan zultu a cheukhat hna kha Judah mi he i thianhnak phung kong an i al.

Laibaibal Thiang (BSI)

²⁵ Johan zultu hna le Judah mi hna cu ṭawlthiannâk kongah an i êl.

JOHAN 3:25 Referans Kwoze

JOHAN 2:6

Judah mi nih kut ṭawlnak kong ah phung an ngei i cu bantukin kut i ṭawlnak caah cun lung ralca paruk an chiah; ralca pakhat nih cun ti galan pakul le sawm thum karlak cio an tlum.

HEBRU 6:2

tipil innak kong tehna, kutchuannak kong tehna, mithi thawhṭhannak kong tehna le zungzal biaceihnak kong tehna hi, an hram ah i hel lengmang ti hlah u sih.

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

HEBRU 9:23

Atu i kan chimmi thil, vancung thil mui le thlam a simi hna nih hi bantukin thianhnak an herh ahcun, vancung thil hrimhrim, a taktak le a ngaingai a simi hna zong nih khan raithawinak a ṭha deuhmi an herh ve ko.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

MARKA 7:8

“Nannih nih cun Pathian nawlbia kha nan chiah riangmang i minung cawnpiaknak tu kha nan zulh deuh,” tiah a ti hna.