JOHAN 19:36 - Lai (Hakha) Common Language Bible 2006

³⁶ Cathiang nih, “A ruh pakhat hmanh khiah a si lai lo,” tiah a rak timi tlinnak caah khan a si.

Laibaibal Thiang (BSI)

³⁶ Zeitintiah Cathiang nih, “A ruh pakhat hmanh khiah a si lai lo,” tiah a chimmi a tlin nâkhnga cubantuk in a rak um.

JOHAN 19:36 Referans Kwoze

SALM 34:20

Bawipa nih him tein a zohkhenh i a ruh pakhat hmanh a kiak lo.

NAMBAR 9:12

Zinglei tiang a zeihmanh an taanter lai lo, cun a ruh zong pakhat hmanh an khiak lai lo; lanhtak puai ca i nawlbia vialte ning khan an ulh lai.

EXODUS 12:46

Sa pum pum khat kha inn pakhat chungah ei a si lai i a zeihmanh kha lengah nan chuahpi lai lo; a ruh pakhat hmanh nan khiak lai lo.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

MATTHAI 1:22

Bawipa nih profet ka in, “Ngaknu cu fa a pawi lai i fapa a hrin lai i a min cu Emmanuel a si lai,” tiah a chimmi a tlin nakhnga caah, hi thil vialte an hung um hi a si. (Emmanuel ti cu Pathian kan sinah a um, tinak a si.)

SALM 35:10

Ka lungthin dihlak in Bawipa cu ka thawh lai i, “Nangmah bantuk ahohmanh an um lo! A dermi kha a ṭhawngmi hna kut chungin na huhphenh hna i sifakmi le retheimi kha mi hrem mi hrem hmangmi hna kut chungin na khamh hna,” ka ti lai.

JOHAN 19:24

Ralkap nih cun, “Hi hi cu thlek hlah u sih, camcawhfung tu in zuk u sih,” tiah an i ti i cuticun Cathiang nih, “Ka hnipuan cu an i ṭhen i Ka angki caah camcawhfung an zuh,” tiah a timi kha a hung tling. Cuticun ralkap nih cun an tuah.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

2 SIANGPAHRANG 15:12

(Mah hihi Bawipa nih Jehu sinah biakamnak a pekmi cu a si, “Na fapa hna cu Israel bawi ṭhutdan cungah chan li tiang an ṭhu lai,” tiin. Cu bang cun a si taktak.)