JOHAN 18:28 - Lai (Hakha) Common Language Bible 2006

²⁸ Jesuh cu Kaiafas inn khan an chuahpi i Mangki bawi inn ah an kalpi. Cu caan cu zingkate a si. Judah mi cu mangki bawi inn chungah khan an lut lo, zeicahtiah phunglam lei in thian i cheh i Lanhtak Puai rawl ei khawh kha an duh.

Laibaibal Thiang (BSI)

²⁸ Jesuh cu Kaiafas in in bawi inntual rawnah an kalpi ṭhân, cucu zingka te a si. Annih cu bawi inah an lut lo, an luh ahcun an thur lai i Lanhtâk Thô rawl an ei kho lai lo.

JOHAN 18:28 Referans Kwoze

JOHAN 19:9

Inn chungah a vung lut ṭhan i Jesuh cu, “Khuazei in dah na rat?” tiah a hal. Sihmanhsehlaw Jesuh nih a let lo.

JOHAN 18:33

Pilat cu inn chungah khan a vung lut ṭhan i Jesuh kha a auh. “Judah mi hna siangpahrang cu na si maw?” tiah a hal.

JOHAN 19:14

Lanhtak Puai lai ni chun kha a si dengmang cang. Pilat nih Judah mi cu a thawh hna i, “Nan siangpahrang hi zohhmanh u,” a ti hna.

MATTHAI 27:27

Cun Pilat ralkap pawl nih khan Jesuh cu mangki bawi innpi chungah khan an luhpi i an kampani dihlak in an kulh.

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

JOHAN 11:55

Judah mi Lanhtak Puai kha a nai i khuate khan mi tampi cu, puai hlan i thianhnak rak tuah awkah, Jerusalem khua ah khan an kal.

LAMKALTU 11:3

“Cuarpar tan lomi Jentail mi hna inn ah na tlung i rawl zong na ei,” tiah an rak ti.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

JOHAN 18:39

Sihmanhsehlaw nan phung tawn bantukin Lanhtak Puai ah cun thongtla pakhat cu kan chuahpiak zungzal hna, Judah siangpahrang cu in thlahpiak hna ning law nan duh maw?” tiah a ti hna.

MIKAH 2:1

An ihkhun cungin ṭhat lonak le sualnak khua a ruat i An ruahmi cu kan tuah khawh sawk tiin tuah awkah deika tein a thomi hna cungah cun ningzahnak tlung ko seh!

DEUTERONOMI 16:2

A min umnak ah Bawipa nih a thim laimi hmun ah nan tuurun chungin siseh, nan cawrun chungin siseh, Bawipa nan Pathian sinah lanhtak puai thawinak cu nan pekchanh lai.

LUKA 22:66

Khua a dei tikah Judah mi upa hna le tlangbawi upa pawl hna le Phungbia cawnpiaktu saya hna kha an i pum i an hmaiah cun Jesuh cu an chuahpi.

MARKA 15:16

Ralkap nih Jesuh cu Mangki bawi inntual ah khan an luhpi i an hawidang zong kha an auh hna.

EZEKIEL 45:21

Thla khatnak thla ni hleili ni ah Lanhtak Puai nan tuah lai; changreu cu thilnu phulh loin nan ei lai. 45.21:

PHUNGTHLÛKBIA 4:16

Zeicahtiah annih cu thil sual pakhat tal an tuah lo ahcun an it kho lo i mi pakhat tal an tlukrilhter hna lo ahcun an i hngilh kho lo.

PHUNGTHLÛKBIA 1:16

Zeicahtiah an ke cu ṭhat lonak leiah a tlik in an tli i Thisen chuah awkah a nam in an i nam.

SALM 35:16

Harnak kha an ka phakter i an ka nihsawh, an hacang lawng an ka rialhnawh.

JOHAN 18:13

a hmasa bik ah Annas sinah khan an kalpi. Annas cu Kaiafas nupi pa a si; Kaiafas cu, cu kum i Tlangbawi Ngan rian a ṭuanmi a si.

JOHAN 18:15

Simon Peter le zultu dang pakhat nih Jesuh kha an zulh. Cu zultu dang cu Tlangbawi Ngan he khan aa theihngalmi an si caah Jesuh sinah khan Tlangbawi Ngan intual chungah cun a vung lut.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

LAMKALTU 10:32

Joppa khua ah mi hei thlah hna law a min Simon Peter a simi kha va kawhter hna. Amah cu rili kam i a ummi saphaw sertu Simon inn ah a tlung khah,’ tiah a ka ti.