JOHAN 17:6 - Lai (Hakha) Common Language Bible 2006

⁶ “Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

Laibaibal Thiang (BSI)

⁶ Vawlei in naka pêkmi hna sinah na min cu ka phuan cang. Annih cu nata an si, ka sinah naka pêk i annih nih na bia an i nunpi.

JOHAN 17:6 Referans Kwoze

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

JOHAN 6:37

Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

JOHAN 17:2

Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

BIAPHUAN 3:8

Na tuahmi kha ka hngalh; na thazang a tlawm nain kan cawnpiakmi na zulh le ka cungah zumh awk tlak na si kha ka hngalh. Innka pakhat kaan hunpiak i ahohmanh nih an khar kho lai lo.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

SALM 22:22

Na tuahmi kha ka mi cu ka chimh hna lai, an i pumhnak ah kan thangṭhat lai.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

HEBRU 2:12

Amah nih, “Pathian, ka unau hna sinah na kong cu ka chim lai, Aa pummi an dihlak hmaiah nangmah cu kan thangṭhat lai,” a ti bang khan a si.

2TIMOTE 1:13

Kan cawnpiakmi biatak kha fek tein i tlaih hna law na zulh awkah i chiah hna, cun Khrih Jesuh he kan i pehtlaihnak thawngin kan ta a simi zumhnak le dawtnak chungah khan um peng ko.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

ROM 11:2

Pathian nih cun a hramthawk tein a rak thimmi a mi cu a hlaw hna lo. Cathiang chungah a ummi, Israel kong ah Elijah nih Pathian sinah,

LAMKALTU 13:48

Jentail mi hna nih cu bia cu an theih tikah an i lawm i Bawipa cu, cu bia ruangah cun an thangṭhat; cun zungzal nunnak hmu dingah thim a simi hna nih khan an zumh i

JOHAN 18:9

(Hitihin a chimmi cu, “Ka Pa, na ka pekmi hna cu pakhat hmanh ka thlau hna lo,” tiah a rak timi a tlin naklai caah khan a si).

JOHAN 17:16

Vawlei ta ka si lo bantuk hin annih zong vawlei ta an si ve lo.

JOHAN 17:14

Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

JOHAN 15:3

Nannih cu kan chimhmi hna bia thawngin nan thiang cang.

JOHAN 12:28

Ka Pa, na min cu upatnak pe ko,” tiah a ti. Cun vancung in aw pakhat nih, “Upatnak cu ka pek cang i ka pek ko rih lai,” tiah a run chim.

JOHAN 6:39

A ka thlahtu nih tuah seh ti a ka duhmi cu hihi a si: a ka pekmi vialte kha pakhat hmanh thlau loin, ni hmanung bik ni ah nunnak i an dihlak in thawhter dih kha a si.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

PHUNGTHLÛKBIA 2:10

Zeicahtiah fimnak cu na lung chungah a lut lai i na lungthin caah hngalhnak cu a nuammi a si lai.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

1 PETER 1:1

Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa ṭhekmi, Pathian thimmi hna, nan sinah ca kan kuat hna.

JOHAN 8:51

Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

JOHAN 17:7

atu cu na ka pekmi laksawng paohpaoh hi nangmah sin chuakmi a si ti kha an hngalh.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.