JOHAN 17:26 - Lai (Hakha) Common Language Bible 2006

²⁶ Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

Laibaibal Thiang (BSI)

²⁶ An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.

JOHAN 17:26 Referans Kwoze

JOHAN 17:23

Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

JOHAN 17:6

“Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

JOHAN 15:9

Ka Pa nih a ka dawt bantukte in kei zong nih kan dawt ve hna; kan dawtnak hna chungah hin um ko uh.

HEBRU 2:12

Amah nih, “Pathian, ka unau hna sinah na kong cu ka chim lai, Aa pummi an dihlak hmaiah nangmah cu kan thangṭhat lai,” a ti bang khan a si.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

JOHAN 14:20

Cu ni a phak tikah cun kei cu ka Pa chung i ka um le nan chung i ka um bantukin nannih zong ka chung i nan um kha nan hngalh lai.

SALM 22:22

Na tuahmi kha ka mi cu ka chimh hna lai, an i pumhnak ah kan thangṭhat lai.

JOHAN 15:4

Keimah ah hin i peh u law kei zong nanmah he kaa peh ve lai. Mitsur nge nih amahte in thei a tlai khawh lo i a ruang ah aa peh lawngah a tlai khawh bantukin nannih zong keimah chung i nan um lo ahcun nan tlai kho ve lai lo.

EFESA 5:32

Hi Cathiang bia nih hin a langhtermi biatak a um i cucu Khrih le khrihfabu kong kha a si tiah ka hngalh.

EFESA 5:30

kannih cu a pum nge cu kan si).

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

JOHAN 8:50

Kei cu keimah lila sunparnak a kawlmi ka si lo, sihmanhsehlaw a ka kawlpiaktu pakhat a um i amah cu keimah ṭhatnak in bia a ceihtu kha a si.

1JOHAN 3:24

Pathian nawl a ngaimi paoh cu Pathian chungah an um i an chungah Pathian kha a um. Cun Pathian kan chungah a um ti kan hngalhnak cu hihi a si: Thlarau a kan pekmi thawngin kannih nih kan hngalh.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

KOLOSE 2:10

amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

1 KORIN 12:12

Khrih hi nge tampi a ngeimi pum bantuk a si; nge cu tampi an si ko nain pum cu pakhat a si ko.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

ROM 8:10

Sihmanhsehlaw Khrih cu nan chung i a nun ahcun sualnak ruangah nan pum cu thi hmanh hna seh law nannih cu Pathian he nan i rem cang caah Thlarau cu nan caah nunnak a si.

JOHAN 6:56

Ka sa a ei i ka thi a dingmi paoh cu ka chungah an nung i kei zong an chungah ka nung ve.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.