JOHAN 15:25 - Lai (Hakha) Common Language Bible 2006

²⁵ Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

Laibaibal Thiang (BSI)

²⁵ An nawlbia ca-uk ah, ‘chan le sullam um loin anka huat’ tiah ṭialmi kha a tlin nâkhnga caah a si.

JOHAN 15:25 Referans Kwoze

SALM 109:3

An ka congoih, thil dawhcah lo ka tuahmi zeihmanh a um lo nain sual an ka puh.

SALM 69:4

Zei ruang lo ah a ka huatu hna cu ka lu cung sam nakin an tam deuh, ka ral an sinak kongah lih a chimmi hna cu an ṭhawng i thah an ka duh. Ka fir lomi thil kha an ka chamter.

SALM 35:19

Khi milihchim hna, ka ral hna khi, ka sungh ruangah an di riamhter hna hlah; sullam um loin a ka huami hna khi ka ngaihchiatnak an hmuh ruangah mit diriam in umter hna hlah.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

2 KORIN 11:7

Pathian Thawngṭha cu kan chimh hna tikah khan a man zeihmanh kan la hna lo; nanmah kha hlorh kan duh hna caah keimah tu kha kaa namh. Cucu ka palh maw?

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

2 THESALON 3:8

Ahohmanh nih alak in nan kan cawm lo. Kanmah te nih rian kan ṭuan, aho nan ca hmanh ah thilrit kan si nakhnga lo chunzan in kan ṭuan.

GALATI 2:21

Pathian vel cu pakpalawng ah ka ser lai lo. Minung le Pathian i remnak cu Nawlbia thawngin a si ahcun, Khrih cu pakpalawng ah a thi tinak a si hnga.

ROM 3:24

Sihmanhsehlaw kannih a kan tlantu Jesuh Khrih thawngin Pathian nih a vel cu a lak tein a kan pek i amah Pathian he cun a kan remter.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

JOHAN 10:34

Jesuh nih a leh hna i, “Nan phungbia chungah, ‘Pathian nih, “Nannih cu pathian nan si,” kan ti hna,’ a ti, tiah aa ṭial lo mei?

SALM 7:4

hawikom rawi le zei ruangah ti awk um set loin ral cungah ṭhat lonak tuah hi, hi hna lakah hin pakhatkhat ka tuah a si ahcun,

JOHAN 19:36

Cathiang nih, “A ruh pakhat hmanh khiah a si lai lo,” tiah a rak timi tlinnak caah khan a si.

MATTHAI 10:8

A zawmi kha va damter hna u, mithi kha va thawhter hna u, thinghmui kha va thianter hna u, khuachia kha va ṭhawl hna u. Nannih nih man pek loin nan hmuh i man pek loin va pe ve hna u.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.