JOHAN 15:10 - Lai (Hakha) Common Language Bible 2006

¹⁰ Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.

Laibaibal Thiang (BSI)

¹⁰ Nannih nih ka nawlpêkmi nan zulh ahcun ka dawtmi in na um peng lai. Kei zong ka Pa nawlpêk ka zulh i a dawtmi in ka um peng bantukin.

JOHAN 15:10 Referans Kwoze

JOHAN 14:15

“Nan ka dawt ahcun ka nawlbia kha nan zulh hna lai.

1JOHAN 5:3

Zeicahtiah, Pathian kan dawt ti cu a nawl kan zul tinak a si ko. Cun a nawlbia cu kan caah a har tuk lo,

1JOHAN 2:5

Sihmanhsehlaw a bia a ngaimi kha Pathian a dawtnak a tlingmi cu a si. Pathian chungah kan um ti fiang tein kan hngalhnak ding cu hihi a si:

2 PETER 2:21

Dinnak lam kha hngalh ṭung i nawlbia thiang kha mertak ṭhan nakcha cun, dinnak lam kha hngal lo lawlaw in rak um ah an caah a ṭha deuh suaumau hnga.

JOHAN 8:29

A ka thlahtu cu ka sinah a um i a duhmi kha ka tuah zungzal caah a ka kaltak bal lo,” tiah a ti.

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

JOHAN 17:4

Vawlei cungah na sunparnak cu ka langhter cang; na ka fialmi rian cu ka lim cang.

JOHAN 14:31

a si nain vawlei nih hin ka Pa ka dawt kha a hngalh khawh nakhnga ka Pa nih a ka fial bantukin ka tuah dih. “Tho u, kal u sih,” a ti hna.

JOHAN 12:49

Zeicahtiah, keimah nawl in ka chim lo, ka chimmi cu a ka thlahtu ka Pa nih na chim lai tiah a ka fialmi kha an si.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

JOHAN 14:21

“Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai,” tiah a ti.

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

ISAIAH 50:5

Bawipa Pathian nih hngalhthiamnak a ka pek caah amah cu ka do lo i ka pialtak fawn lo.

JOHAN 8:55

Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

JOHAN 10:18

Ka nunnak cu aho nih an ka chuh a si lo, keimah lungtho tein pek ka sianmi a si ko. Peknak nawl kha ka ngei i lak ṭhannak nawl zong ka ngei. Cucu ka Pa nih tuah seh ti a ka duhmi cu a si,” tiah a ti.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

1JOHAN 2:3

Pathian kha a nawl kan ngaih ahcun, amah kha kan hngalh tiah fiang tein kan hngalh.

1JOHAN 2:6

Pathian chungah kan um, a timi paoh nih cun Jesuh Khrih bantukin kan um awk a si.

EXODUS 7:6

Bawipa nih nan tuah lai tiah nawl a pekmi hna cu Moses le Aaron nih khan an tuah.

2 SAMUEL 22:22

Zeitintiah Bawipa lam kha kaa tlaih hna i Ka Pathian sinin, sualnak lam zulh awkah kaa ṭhen lo.

2 SIANGPAHRANG 18:6

Zeicahtiah amah nih Bawipa kha fek tein aa tlaih i amah hnu zulhnak kha a kaltak lo i Bawipa nih Moses nawl a pekmi nawlbia kha a zulh hna.