JOHAN 11:53 - Lai (Hakha) Common Language Bible 2006

⁵³ Cu ni thawk cun Judah upa hna nih khan Jesuh thahnak khua kha an khang lengmang.

Laibaibal Thiang (BSI)

⁵³ Cucaah cu ni thawk in Amah thahnâk dingah khua an khâng leng mang.

JOHAN 11:53 Referans Kwoze

LAMKALTU 9:23

Ni tam nawn hnuah khin Judah mi cu an i pum i Saul thahnak dingah khua an khang;

LAMKALTU 5:33

Khawngsil pawl nih hi bia kha an theih tikah an thin a hung tuk hringhran i lamkaltu kha thah an duh ko hna.

JOHAN 12:10

Cucaah tlangbawi upa pawl nih khan Lazaruh zong cu thah chih dingin khua an khan;

JOHAN 11:47

Cucaah Farasi mi hna le tlangbawi upa pawl kha Khawngsil pawl he khan an i pum i, “Zeitindah kan tuah lai? Hi pa nih hin hmelchunhnak tampi a tuah ṭung.

MARKA 14:1

Atu cu Lanhtak Puai le Thilnu Cawh Lo Changreu Puai kha ni hnih lawng a duh cang. Tlangbawi upa hna le Phungbia cawnpiaktu saya pawl hna kha, Jesuh cu a thli tein tlaih i thah khawhnak ding lam kha an kawl.

MARKA 3:6

Cucaah Farasi mi hna cu pumhnak inn khan an chuak i Herod minung hna he khan zeitindah Jesuh hi kan thah khawh lai, tiah khua an khang.

MATTHAI 26:59

Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl,

MATTHAI 22:46

Jesuh cu ahohmanh nih bia kaa khat hmanh an let kho lo i cu ni thawk cun ahohmanh nih bia an hal ngam ti lo.

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

JEREMIAH 38:15

Jeremiah nih Zedekiah cu, “Ka chim ahcun na ka thah hrimhrim ding a si ko; ruahnak kan cheuh ahcun naa lak duh ding a si fawn lo,” tiah a ti.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

SALM 113:2

A min cu thangṭhat si ko seh, atu in zungzal tiang thangṭhat si ko seh!

SALM 71:10

Ka ral nih cun thah an ka duh, an i ceih i keimah thahnak ding khua kha an khaan.

SALM 31:13

Ka ral tampi nih a thli tein an ka congoih, ṭihnak nih a dum in a ka dum. ka loh nakhnga ding khua kha an khan i keimah thahnak ding khua kha an ruat lengmang.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

NEHEMIAH 13:21

Sihmanhsehlaw ralrinnak ka pek hna i, “Zeicahdah kulhnak vampang hmaiah khan nan riah? Cu bantukin nan tuah ṭhan ahcun kan tlaih hna lai,” tiah ka ti hna. Cucaah cu thawk cun sabbath ni ah cun an ra ti lo.

NEHEMIAH 4:16

Cu ni thawk cun ka tang i rian a ṭuanmi hnarcheu lawng nih khan rian taktak cu an ṭuan i hnarcheu nih cun thir nga phaw angki kha i aih in an fei le an phaw le an li kha i tlaih in an dir; cun vampang remhnak rian a ṭuanmi Judah mi vialte kha bawi nih an zoh hna.

GENESIS 37:18

Lamhlat piin a rat lio kha an hei hmuh i an pawng a phak hlanah amah thah nakding khua kha an rak khang.

MATTHAI 12:14

Cun Farasi mi hna cu an kal i Jesuh thah khawhnak ding khua kha an khang.

MATTHAI 26:4

a thli tein Jesuh kha tlaih i thah ding kha khua an khang.

JOHAN 7:1

Cu hnuah cun Jesuh cu Galilee kha a tlawng. Judea ram chung i a ummi Judah upa hna nih khan amah cu thah an duh caah Judea tlawn cu a duh lo.