JOHAN 1:45 - Lai (Hakha) Common Language Bible 2006

⁴⁵ Filip nih cun Nathanael kha a va hmuh i, “Phungbia cauk chungah a kong Moses nih a ṭialmi pa, profet hna zong nih a kong an ṭialmi pa kha kan hmuh cang. Amah cu Josef fapa Jesuh, Nazareth khuami kha a si,” tiah a ti.

Laibaibal Thiang (BSI)

⁴⁵ Filip nih Nathanael a hmuh i, “Akong Moses nawlbia le Profet hna nih an rak ṭialmi, Nazaret Jesuh, Josef fapa cu kan hmuh cang,” tiah a ti.

JOHAN 1:45 Referans Kwoze

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MATTHAI 2:23

Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

ZEKHARIAH 6:12

Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung ṭhang lai i Bawipa biakinn kha a sak lai.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

JOHAN 18:7

Jesuh nih cun, “Ahodah nan kawl?” tiah a hal ṭhan hna. “Nazareth khuami Jesuh,” tiah an ti.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

GENESIS 22:18

Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

MARKA 6:3

Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

MATTHAI 21:11

“Hi pa hi Galilee ram Nazareth khuami profet Jesuh a si,” tiah mibupi nih khan an leh hna.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

LAMKALTU 22:8

Kei nih ka thawh i, ‘Ahodah na si, Bawipa?’ tiah ka ti i, ‘Keimah cu na hremmi Nazareth khuami Jesuh ka si,’ tiah a ka ti.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

JOHAN 21:2

Simon Peter le Faphir timi Thomas le Galilee peng Kana khuami Nathanael le Zebedi fapa hna kha le Jesuh zultu a dang pahnih hna kha hmunkhat ah an um i

LUKA 2:4

Josef cu Galilee ram i Nazareth khua in Judea ram i Bethlehem khua an timi, Siangpahrang David chuahnak khua ah khan a kal. Josef kha khika i a kalnak cu amah kha David hrinsor a si caah a si.

MARKA 14:67

“Nangmah zong hi, Nazareth khuami Jesuh he a rak um ṭimi na si ko,” tiah a ti.

MATTHAI 13:55

Lehtamapa fapa kha a si ko lo maw? A nu kha Mary hi a si ko lo maw? A naule kha Jeim le Josef le Simon le Judas hi an si lo maw?

LAMKALTU 26:9

“Nazareth khuami Jesuh min dohnak caah hin ka tuah khawh chungin ka tuah lai tiah keimah hrimhrim nih hin ka rak ruah i

LAMKALTU 3:6

Cun Peter nih a thawh i, “Sui le ngun zeihmanh ka ngei lo, sihmanhsehlaw ka ngeihmi cu kan pek lai: Nazareth khuami Jesuh Khrih min in, tho law kal, kan ti,” tiah a ti.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

JOHAN 19:19

Pilat nih ca pakhat a ṭial i vailam tahnak cungah cun a tar. A ṭialmi cu “Nazareth khuami Jesuh Judah Siangpahrang” ti a si.

JOHAN 18:5

“Nazareth khuami Jesuh,” tiah an leh. “Keimah hi amah cu ka si,” tiah a ti hna. Leitu Judas kha an sinah cun a dir ko.

JOHAN 6:42

Cucaah an i thawh i, “Hi pa hi Josef fapa Jesuh kha a si lo hlah i? A nu kan hngalh, a pa kan hngalh, zeitindah vancung in ka rung, tiah a ti kun?” an ti.

LUKA 3:23

Jesuh nih a rian ṭuan hram a thawk tikah amah cu kum sawm thum hrawng a si, amah cu Josef fapa a si tiah mi nih an ruah. Josef cu Heli fapa a si,

MATTHAI 10:3

Filip le Bartholomew; Thomas le ngunkhuai khawltu Matthai, Alfeas fapa Jeim, cun Tadias;

LUKA 2:48

An va hmuh tikah a nu le a pa zong cu an khuaruah a har ve. A nu nih cun a thawh i, “Ka fa, zeicahdah hi bantukin na kan tuah? Na pa le na nu nih awlokchong in pei kan in kawl cu,” tiah a ti.

JOHAN 1:44

(Filip cu Andru le Peter bantukin Bethsaida khuami kha a si ve).

JOHAN 6:5

Khua a hei zoh i mi an rat lulhmalh kha a hei hmuh hna tikah Filip kha a thawh i, “Hi mi vialte hna pek awk rawl hi khuazei ah dah kan cawk lai?” tiah a ti.

JOHAN 6:7

Filip nih cun, “Tlawmte cio ei ding hmanh ah changreu tangka za hnih leng man a herh lai,” tiah a leh.

JOHAN 12:21

Galilee peng Bethsaida khuami Filip sinah khan an ra i, “Bawipa, Jesuh hmuh kan duh,” an ti.

JOHAN 14:8

Filip nih khan, “Bawipa, na Pa cu kan hmuhsak law cu vial cu kan herhmi a si ko,” tiah a ti.

LUKA 18:37

Annih nih, “Nazareth khuami Jesuh a lanh lio a si,” tiah an leh.