JOHAN 1:1 - Lai (Hakha) Common Language Bible 2006

¹ Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

Laibaibal Thiang (BSI)

¹ A hramthawk ah Bia a um, Bia cu Pathian sinah a um, Bia cu Pathian a si.

JOHAN 1:1 Referans Kwoze

GENESIS 1:1

A hramthawk ah, Pathian nih van le vawlei a ser hna tikah,

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

BIAPHUAN 19:13

Aa aihmi puan cu thi aa neh dih. An auhnak a min cu “Pathian Bia” ti a si.

KOLOSE 1:17

Zeizong vialte hlanah a rak um cang i amah nih cun zeizong vialte hi i ṭhenṭhek dih loin a funtom dih hna.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

BIAPHUAN 22:13

Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.

JOHAN 1:2

A hramthawk tein Bia cu Pathian he cun an um ṭi.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

FILIPI 2:6

Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

HEBRU 13:8

Jesuh Khrih cu nizan le nihin le zungzal in amah ning a si ko.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

JOHAN 20:28

Thomas nih cun, “Ka Bawipa le ka Pathian,” tiah a ti.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

HEBRU 7:3

Melkhizedek cu a nu siseh, a pa siseh, an konglam an ṭialmi zeihmanh a um lo, a hringsortu hna zong an konglam ṭialmi zeihmanh a um lo; a chuahnak kong ṭialmi zong a um lo i a thihnak kong ṭialmi zong a um lo. Amah cu Pathian Fapa bantuk hi a si i zungzal in tlangbawi a si ko.

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

EFESA 3:9

Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

1JOHAN 5:7

Tehte a khaangtu pathum an um:

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

SALM 45:6

Pathian nih an pekmi bawiṭhutdan cu zungzal in a hmun lai! Na ram cu dinnak in na uk;

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

LUKA 24:53

an caan vialte cu Biakinn chungah khan Pathian thangṭhatnak caah an hman.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.