JOEL 2:21 - Lai (Hakha) Common Language Bible 2006

²¹ Lo hna, nan thin phang hlah u, i lawm u law nan tha nuam u; Zeicahtiah Bawipa nih nan caah thil tampi a tuah cang.

JOEL 2:21 Referans Kwoze

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

ISAIAH 35:1

Ramlak le ramcar hna cu an i lawm lai i Thetse ram cu a par lai.

1 SAMUEL 12:16

Cucaah dir ṭhep u law, nan hmaika ah Bawipa nih a tuah laimi thil lianngan hi zoh tuah u.

ZEKHARIAH 8:15

atu zongah hin Jerusalem cung le Judah innchungkhar cungah ṭhatnak tuah awkah khan ka ruah ṭhan; nan thinphang hlah u.

JOEL 2:20

Chaklei in a rami ṭihnung cu nan sinin lam hlapi ah ka ṭhial lai i a ro i a carmi ram ah ka dawi lai, An hmaisuang pawl cu Rili Thi ah ka thlak hna lai i an hnudawn pawl cu Mediterranean Rili ah ka paih hna lai, Cun an ruak cu a thu lai. Hi thil hi zeicahdah ka tuah ti ahcun, nanmah cung i an tuahmi ruangah khan a si.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

DEUTERONOMI 4:32

“Zeitintiah nannih hlan i a rak ummi hlanlio ni hna kha hal tuah hna u, Pathian nih vawlei cung i minung a rak ser ni ri khan, cun vanhramdeng khattelei in khattelei tiang zong hal tuah u, mah bantuk thil lianngan hi a rak um bal maw um bal lo, an rak thei bal maw thei bal lo dik?

SALM 98:8

Maw rilipi hna, nan kut beng tuah u; maw tlang hna, Bawipa hmaiah cun lunglawm in hlasa tuah u,

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

HOSEA 2:21

Khi tikah ka mi Israel mi an thlacamnak kha ka leh hna lai. Vawlei ah ruah ka surter lai i rawl le mitsur le oliv thei kha an chuah hna lai, tiah Bawipa nih a ti.

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

SALM 71:19

Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

JOEL 2:26

Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu Bawipa nan Pathian kha nan thangṭhat lai. Ka mi cu zawmhtaih nan si ti lai lo.