JOEL 2:19 - Lai (Hakha) Common Language Bible 2006

¹⁹ Annih nih an nawlnak kha a leh hna i, “Atu cu rawl le mitsur hang le chiti kha kan pek hna lai i khim tein nan um lai; Miphun dang nih nannih cu an in serhsat ti hna lai lo.

JOEL 2:19 Referans Kwoze

EZEKIEL 34:29

An cinthlakmi kha ka ṭhatter hna lai i hi ram chungah hin mangṭam kha an ing ti lai lo, miphun dang hna nihsawhnak zong kha an ing ti lai lo.

EZEKIEL 36:15

Miphun dang nih an in nihsawhnak kha kan theihter ti lai lo i miphun dang hna nih an in serhsatnak zong kha na ing ti lai lo. Hihi Bawipa Pathian bia hrimhrim a si.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

JOEL 2:24

Phuhri cu rawl in an khat lai i Mitsur nennak khor cu mitsur hang le chiti in an liam lai.

JEREMIAH 31:12

Zion tlang par ah cun lawmhnak aw thawng he an ra lai, Bawipa nih ṭhatnak tampi a pek hna caah hmaipanh ngaiin an ra lai, Ṭhatnak a pekmi hna cu rawl le mitsur hang thar le chiti le tuurun chung i a no tete le cawrun chung i a no tete tampi kha an si. Ti toihmi dum bantuk an si lai i zeihmanh an chambau bal ti lai lo.

JOEL 1:10

Lo cu a lawng piin a um ko, a romi vawlei cu a ṭah in a ṭap; Zeicahtiah rawl cu a rawk cang, mitsur hang thar cu ruahchan awk zeihmanh a um lo i chiti cu a car ko.

HOSEA 2:15

Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.

LEVITIKAS 26:5

Nan facil nih cun mitsur lawh caan cu a hei phak lai i mitsur lawh caan nih cun thlaici thlak caan a phak lai; nan rawl cu khim tein nan ei lai i nan ram chungah him tein khua nan sa lai.

HOSEA 2:21

Khi tikah ka mi Israel mi an thlacamnak kha ka leh hna lai. Vawlei ah ruah ka surter lai i rawl le mitsur le oliv thei kha an chuah hna lai, tiah Bawipa nih a ti.

DEUTERONOMI 11:14

nannih nih nan rawl le nan mitsur hang le nan chiti kha nan pumhkhawmh khawh hna nakhnga, nan ram caah ruah cu anmah caan te cio ah, tuan deuh ruah le tlai deuh ruah hna cu, an pek hna lai.

RUTH 1:6

Cun a fapale nupi hna he khan tiah kir ṭhan awkah Moab ram khan aa thawh, zeitintiah Bawipa nih a mi kha a len cang hna i rawl a pek hna ti kha, Moab ram chung khan a theih.

EZEKIEL 36:29

An thurhhnawmhtertu hna thil vialte chung khan kan khamh hna lai; fangvoi cu ka kawh lai i tampi ka vuiter lai; nan cungah mangṭam ka tlunter ti lai lo.

EZEKIEL 36:30

Thingkung kha thei tampi ka tlaiter hna lai i vawlei kha rawl tampi ka vuiter lai i mangṭam nih ningzahnak a chuahtermi kha miphun hna lakah nan ing ti lai lo.

ZEKHARIAH 8:12

Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.