JOB 8:19 - Lai (Hakha) Common Language Bible 2006

¹⁹ Mahticun a nunnak cu a uai i Vawlei chung khan thingkung dang kha an hung chuak.

JOB 8:19 Referans Kwoze

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 113:7

Sifakmi kha leidip lak i an umnak khan a cawi hna, retheimi kha an retheihnak chungin a chuah hna i

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

MATTHAI 3:9

‘Abraham cu a kan hringsortu a si,’ tiin kan luat lai, tiah i ruat hlah u. Pathian nih hi lung hna hi Abraham tefa ah cun a ser khawh ko hna, ti hi kan chimh hna.

EZEKIEL 17:24

Ram chung thing vialte nih khan, Keimah cu Bawipa ka si kha an hngalh lai. Keimah nih thingkung a sangmi kha ka hau hna i thingkung a niammi kha ka santer hna i a romi kha ka hrinter hna. Hihi Bawipa nih ka chim i ka tuah lai, tiah a ti.

SALM 75:7

bia a ceihtu cu Pathian a si i a cheu kha a ṭhumh hna i a cheu kha a cawi hna,

JOB 8:20

“Zohhmanh, Pathian nih cun soisel awk um lomi cu a hlaw lai lo, ṭhat lonak a tuahmi hna kha a domh fawn hna lai lo.