JOB 42:11 - Lai (Hakha) Common Language Bible 2006

¹¹ Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

JOB 42:11 Referans Kwoze

JOB 2:11

Cun hi ṭhat lonak vialte a cung i a tlungmi kha a hawile pathum, Teman mi Elifaz; Shuh mi Bildad le Naamath mi Zofar nih khan an theih tikah, anmahle an umnak cio khan an ra. Amah kha hramh ding le hnangamter awkah khua an khang ṭi hna.

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

GENESIS 24:22

Kalauk kha ti a dinh dih hna hnuah Abraham salpa nih khan a man a fak ngaimi sui hnartonh pakhat kha aa chuah i a hnar ah cun a tonh, cun sui kuthrolh ngan pipi pahnih zong aa chuah i a kut ah khan a hrolh hna.

HEBRU 12:12

Cucaah a thlepmi nan ban kha hler hna u law a dermi nan khuk kha fehter hna u,

HEBRU 13:3

Thong a tlami kha, an sin i thong a tla vemi bantukin philh hna hlah u. Hremnak a ingmi kha, an sin i hremnak a ing vemi bantukin philh hna hlah u.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

JOB 16:5

Sihmanhsehlaw thazang peknak biatu kha ka chim lai i Nangmah hnemhnak bia ka chimmi cu tiva bangin a luang lai.

JOB 4:4

A ril lengmangmi cu na bia nih a tun hna i A derthawmmi khuk cu nangmah nih na fehter hna.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

JOSHUA 24:32

Israel mi nih Izipt ram in an hun i kaipimi Josef ruh kha, Shekhem khua i hmun pakhat Jakob nih Shekhem pa Hamor i a fapa hna sinin tangka za khat in a cawkmi ah khan an vui; cu hmun cu Josef tefa hna rothil ah a cang.

GENESIS 37:35

A fapa vialte le a fanu vialte hna nih khan hnemh an i zuam, sihmanhsehlaw an hnemhnak kha duh loin a thawh hna i, “Mithi khua Sheol ah ka fapa zunngai in kal ko ning,” a ti hna.

GENESIS 24:53

Cun sui hlawn le ngun hlawn le hnipuan kha a chuah hna i Rebekah kha a pek hna. A ṭa le a nu zong kha a man a fakmi laksawng a pek hna.

JOHAN 11:19

Judah mi mi tampi kha an ṭa a thih ca i anmah ṭhutpi awkah khan an ra.

PHUNGTHLÛKBIA 14:20

Misifak cu ahohmanh nih an duh lo, sihmanhsehlaw mirum cu hawikom tampi a ngei.