JOB 4:11 - Lai (Hakha) Common Language Bible 2006

¹¹ Seh awk le ei awk a hmu ti lomi chiandeih bantukin an thi i An fale cu an i ṭhek dih.

JOB 4:11 Referans Kwoze

SALM 34:10

Chiandeih hmanh hi rawl hmu loin an um tawn i rawlṭam in an vak tawn, sihmanhsehlaw Bawipa nawl a zulmi cu zeihmanh an baumi a um bal lo.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

JOB 38:39

An kua ah an bawh i ram bur lakin seh ding sa an bawh lioah, Chiandeihpi cu a sa ei ding kha na kawlpiak kho in Chiandeih no hna cu an paw na khimter kho hna maw?

JOB 1:19

zohhmanh, ramlak lei khin thli fakpi a hung hrang i inn cu a ki li in a den i seino pawl cungah cun a tla i an thi dih; cun keimah lawnglawng hi nangmah chimtu dingah ka luat,” tiah a ti.

NAMBAR 24:9

A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.

GENESIS 49:9

Judah cu chiandeih fa a sasehmi a that i a kua ah a kir ṭhanmi a si; Chiandeihpi bantukin a bawk i ahohmanh nih an helh ngam lomi a si.

JOB 5:4

An fale hna cu an him deng naisai lo i Hauka ah khan lamh chih an si, Annih chanhtu ding kha ahohmanh an um lo.

JOB 5:15

Sihmanhsehlaw ngakṭah hna cu an kaa chung khan a khamh hna i Mipam hna cu a ṭhawngmi hna kut chung khan a khamh hna;

JOB 20:10

A fale hna nih khan, sifakmi hna sinin a firmi kha an cham ṭhan lai, A kut hrimhrim nih a lakmi chawva cu an khirh ṭhan hna lai.

JOB 29:17

Miṭhalo mi hna cu an hao kha ka rak thlongh hna i, An ha in an i sehmi kha ka rak chuh hna.

SALM 34:11

Ka hawile mino hna, ra u law, ka bia ngai tuah u; Bawipa ṭihzah ning cu kan cawnpiak hna lai.