JOB 36:4 - Lai (Hakha) Common Language Bible 2006

⁴ Ka chimmi ah hin lih a um lo, na hmai i a dirmi hi hngalhnak a ngeimi ka si.

JOB 36:4 Referans Kwoze

JOB 37:16

Zeicahdah khuadawm cu cunglei ah i nge tein a zam ti kha na hngal maw? Thiamnak a tlingmi a rianṭuan khuaruahhar a si cu na hngal maw?

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

LAMKALTU 24:22

Cu Lam kong fiang tein a hngalmi Feliks nih cun an bia cu a donghter i, “Nan bia cu ralkapbu haotu Lisias a rat tikah ka khiah te lai,” tiah a ti hna.

LUKA 1:3

Cucaah Bawipa, kei zong nih hi thil vialte hi a hramthawk tein ṭha tein ka dothlat cikcek hnuah na sinah aa tlai thliahmah in ṭial ah a ṭha tiah ka ruah.

SALM 49:3

Ahmaanmi khua ka ruat lai i a fimmi bia ka chim lai.

JOB 33:3

Hngalh bu tein ka chim kha ka lung nih a hngalh i Ka hmur nih an hngalhmi cu hmaan tein an chim.

JOB 21:34

Cucaah hnemhnak nan ka chimhmi hi, zeitluk in dah pakpalawng a si? Nan chimmi hi lih lawngte an si!” tiah a ti.

JOB 21:27

“Na ruahmi le zeitindah a bia cu ka al khawh lai tiin bia alnak ding na timh cuahmahmi cu ka hngalh ko.

JOB 13:7

Zeicahdah lih nan chim? Nan lih chimmi nih cun Pathian cu a bawmh lai tiah nan ruah maw?

JOB 13:4

Nannih nih biatak cu lih in a lenglei kha nan nalh tawn, Nannih cu nan dihlak in lih ṭawn hmangmi nan si.

JOB 6:28

Sihmanhsehlaw atu cu ka zoh hnik u, Nan hmaiah ka lih hrimhrim lai lo.