JOB 34:10 - Lai (Hakha) Common Language Bible 2006

¹⁰ “Cucaah ka bia thei tuah u, nannih hngalhthiamnak a ngeimi hna, Pathian nih cun ṭhat lonak a tuah naisai lai lo i Lianngan Bik nih cun palhnak a tuah naisai lai lo.

JOB 34:10 Referans Kwoze

ROM 9:14

A si ahcun Pathian cu a ding lo kan ti kho lai maw? Ti kho hlah.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

JOB 8:3

Pathian nih biading cu a merh bal maw? Asiloah, Lianngan Bik nih a dikmi cu a merh bal maw?

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

JEIM 1:13

Cu bantuk hneksaknak kha mi nih an in tikah, “Tukforhnak hi Pathian sinin a ra,” an ti awk a si lo; zeicahtiah Pathian cu ṭhat lonak nih a tukforh kho lo i amah zong nih ahohmanh a tukforh bal hna lo.

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

SALM 92:15

Hi nih hin Bawipa cu a ding ti le a ka chanhtu ka lungpi chungah cun palhnak zeihmanh a um lo, ti kha a langhter.

JOB 36:23

Aho nih dah a lam cu an ruahchungpiak i Aho nih dah, na palh, tiah an ti khawh?

PHUNGTHLÛKBIA 6:32

Mi nupi he a sualmi cu ruahnak ngei lomi a si; Cu a tuahtu cu amah le amah aa hrawk ko.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

PHUNGTHLÛKBIA 15:32

Chimhhrinnak zei ah na rel lo ahcun nangmah le nangmah harnak naa pe, sihmanhsehlaw chimhhrinnak kha na cohlan duh ahcun na fim chin lai.

JOB 34:34

Mifim mi nih cun hitin an ti lai i Ka chimmi a theitu mifim hna nih cun hitin an chim lai.

JOB 34:12

Biangai tein, Pathian nih ṭhat lonak a tuah lo i Lianngan Bik nih dinnak cu a merh lo.

2 SAMUEL 22:31

Hi Pathian hi amah a lam cu ṭhat a tling; Bawipa biakamnak cu a dik taktakmi a si; Amah chung i aa dormi vialte caah amah cu phaw a si.

SALM 145:17

Bawipa cu thil a tuahnak paoh ah hin ding tein a tuahmi a si, rian a ṭuannak paoh ah hin zaangfahnak a ngeimi a si.

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.