JOB 30:8 - Lai (Hakha) Common Language Bible 2006

⁸ Zeiruaramlo tefa rual, minung sinin ṭhawlmi an si.

JOB 30:8 Referans Kwoze

PHUNGTHLÛKBIA 16:22

Fimnak cu a ngeitu caah cun nunnak cerhti a si, sihmanhsehlaw mihrut cu a hruhnak nih dantatnak a inter.

MARKA 6:24

Cucaah ngakchianu cu a chuak i a nu kha, “Zeidah ka hal lai?” tiah a va hal. A nu nih cun, “Tipil petu Johan lu,” tiah a leh.

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

JOB 40:4

“Zei rel awktlak a si lomi kei nih hin nangmah cu zeitindah ka leh khawh lai? Ka kut in ka ka kaa huh ah a ṭha deuh lai.

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

2 CHANRELNAK 22:3

Amah zong cu Ahab innchungkhar lam kha a zul ve, zeicahtiah ṭhat lonak tuah i amah fim a chimtu cu a nu kha a si.

2 SIANGPAHRANG 8:27

Amah zong cu Ahab innchungkhar lam kha a zul ve i amah cu Ahab inn chungkhar tu a si caah Ahab innchungkhar nih an tuah bang khan Bawipa mithmuh i thil ṭhalo kha a tuah.

2 SIANGPAHRANG 8:18

Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil ṭhalo kha a tuah.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

JOB 30:7

Saram bantukin burbuk chungah an ai i hlingbur toiah an i pum,

JOB 30:9

“Sihmanhsehlaw atu cu hi hna hi hla a ka sakhnawhtu kha an si cang i Khua chung i mi kip ceihmi i a ka sertu cu an si.

SALM 35:15

Harnak ka ton tikah an i lawm i an ka dum i nihchuak ah an ka saih; khuai nih khan heh tiah ngol loin an ka tuk.

NAHUM 3:6

Nangmah cu fihnung hmunthur in kan khuh lai i na ning kan zahter lai i ek bantuk ah kan rel lai.