JOB 29:3 - Lai (Hakha) Common Language Bible 2006

³ Ka lu cung i a meiinn a rak ceu i cu ceunak thawng i mui lak i ka rak kal khawh bantuk khan;

JOB 29:3 Referans Kwoze

SALM 18:28

Bawipa nih ceunak a ka pek, ka Pathian nih muihnak cu a ka dawipiak.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

JOB 18:6

A thlam chungah ceunak cu a mui i a chung i a meiinn cu a mit.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

JOHAN 12:46

Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

JOB 22:28

Ka tuah lai, tiah na timi paoh ah na hlawh a tling lai i Na lam ah ceunak a tlang lai;

JOB 11:17

Cun na nunnak cu chun nakin a ceu deuh lai, A muihnak cu zingka bantuk a si lai.

PHUNGTHLÛKBIA 24:20

Zeicahtiah miṭhalo cu i ruahchanmi hmailei caan an ngei lo i an meiinn kha hmih an si lai.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

PHUNGTHLÛKBIA 13:9

Miding hna cu ceu ngaiin a ceumi meiceu bantuk an si. Sihmanhsehlaw miṭhalo cu a mit cuahmahmi meiinn bantuk an si.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

PHUNGTHLÛKBIA 20:20

Ahohmanh nih a nu siseh a pa siseh a vawlhpamh hna ahcun, Muihnak a rat tikah a mei-inn kha a mit lai.

SALM 4:6

“Thluachuahnak hmu u si law kan hei duh hringhran dah,” a timi tampi an um. Maw Bawipa, kan cungah zaangfahnak run ngei ko.

JOB 21:17

“Miṭhalo cu a mei a mit bal maw? Vanchiatnak an tong bal maw?

SALM 18:29

Ka ral hna doh khawhnak thazang a ka pek, an ralhau baoh khawhnak ṭhawnnak a ka pek.

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.