JOB 21:19 - Lai (Hakha) Common Language Bible 2006

¹⁹ Nannih nih cun, ‘An pale ṭhat lo ruangah Pathian nih an fale cu dan a tat hna,’ nan ti, Sihmanhsehlaw kei nih cun, ‘A sualmi cu Pathian nih anmahte kha dantat ko hna seh law, cucu an sual caah a si, ti kha langhter ko seh,’ ka ti.

JOB 21:19 Referans Kwoze

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EZEKIEL 18:2

“Mi nih Israel ram chungah an chim lengmangmi phungthlukbia ‘Hringtu nu le pa hna nih mitsur thei thor an ei i an fale ha a za,’ an rak timi kha a sullam zeidah a si?

JEREMIAH 31:29

Cu caan a phak tikah cun, mi nih, ‘An pale nih mitsur thei thor an ei i An fale ha a za,’ an ti ti lai lo.

ISAIAH 14:21

I samnak cu thawk ko u! Hi siangpahrang fapa hna hi anmah a hringsortu hna sualnak ruangah hin an thi lai. An lakah ahohmanh vawlei uktu an um lai lo i vawlei cungah khua an ser lai lo.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

2TIMOTE 4:14

Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

EZEKIEL 18:14

“Hi miṭhalopa nih hin fapa a hei ngeih ve ko hnga i cu a fapa nih cun a pa sualnak vialte cu a hmuh dih ko hna hnga; a hmuh cu a hmu ko hna hnga nain pakhat hmanh a tuah hna hnga lo.

SALM 54:5

Pathian nih ka ral cu anmah ṭhat lonak lila khan dantat ko hna seh! Amah cu zumhawktlak a si caah a hrawh hna lai.

DEUTERONOMI 32:34

“Mah hihi keimah nih ka khon i Ka ro kuang chungah ka hrenh chihmi a si lo maw?

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

JOB 22:24

Sui kha leidip bantuk ah na rel i Ofir sui kha tiva lung tekem bantuk ah na rel ahcun,

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

DEUTERONOMI 32:41

Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

GENESIS 4:7

Ṭhatnak kha rak tuah law cu na merh ko hnga; sihmanhsehlaw ṭhat lonak kha na rak tuah caah sualnak nih cun nangmah tei awkah sahrang bantukin an bawh ko. Nangmah kha uk an duh, sihmanhsehlaw nangmah nih na tei awk a si,” a ti.