JOB 21:15 - Lai (Hakha) Common Language Bible 2006

¹⁵ Lianngan Bik cu an i thawh i, ‘Ahodah na si i na rian kan ṭuan hnga cu? Na sin i thla kan cam ah zei miaknak dah kan hmuh?’ an ti.

JOB 21:15 Referans Kwoze

EXODUS 5:2

Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

JOB 34:9

Zeicahtiah amah nih cun aa thawh i, ‘Pathian cung i i lawmh nih hin minung caah zeihmanh ṭhathnemnak a tuah lo,’ a ti.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 30:11

Lam kan kian u law kan kalnak kha kan dawn hlah u. ‘Israel Pathian Thiang,’ nan ti lengmangmi theih hi kan duh lo,” tiah an ti hna.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

MATTHAI 7:7

“Hal u law an in pek hna lai, kawl u law nan hmuh lai, king u law innka cu an in hunpiak hna lai.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

JOB 22:17

Hi hna nih hin Pathian cu an thawh i, ‘Kanmah tein um ko u sih, Lianngan Bik nih cun kan cungah zeidah a tuah khawh lai?’ an ti.

SALM 73:13

A si kun ahcun, thiang tein nun kaa zuam i ka kut in sualnak tuah lo kaa sum hi pakpalawng maw a si ko lai?

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

JOB 22:3

Na din ah, na dinnak nih cun Lianngan Bik cu zeital a bawm maw? Na ziaza cu soi awk um lo a si ah tah, cu nih cun zeital a ṭhathnem maw?

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.