JOB 19:13 - Lai (Hakha) Common Language Bible 2006

¹³ “Ka unau hna nih an ka hlawt, Ka theihhngalh hna cu mising rumro ah an cang.

JOB 19:13 Referans Kwoze

SALM 88:8

Ka hawikom kha na ka chuh hna i annih nih a fih in an ka fih.

SALM 88:18

Ka hawikom ṭha bik hna hmanh nih khan an ka chuahtak; ka ca i a tangmi hawikom cu muihnak lawnglawng kha a si ko.

SALM 69:8

Ka unau hna sinah khual ah ka cang i ka nufale hna sinah ramdangmi ah ka cang.

SALM 31:11

Ka ral nih capo ah an ka saih, ka innpa nih an ka nihsawh; a ka hngalmi nih an ka ṭih i lam i an ka hmuh tikah an ka lektak.

2TIMOTE 4:16

Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh.

MATTHAI 26:56

Sihmanhsehlaw hi thil vialte hi bantukin a sinak cu profet nih Cathiang chungah an rak ṭialmi kha a tlinnak ding caah a si,” a ti. Cun a zultu hna nih khan an dihlak in an zamtak i an le dih.

SALM 69:20

An ka serhsat tuk caah ka lung zong a rawk dih; zeihmanh ka tuah kho ti lo. An ka zaangfah rua lai tiah ka rak ruah, sihmanhsehlaw zaangfahnak zeihmanh ka hmu lo; a ka hnemtu an um rua lai tiah ka rak ruah, sihmanhsehlaw ahohmanh an um lo.

SALM 38:11

Ka hma le ka rung ruangah, ka hawi le ka innpa nih a naih hmanh an ka duh lo; ka chungkhat hmanh nih an ka hrial.

JOB 16:7

Pathian, nangmah nih na ka batter hrimhrim ko cang; Ka hawikom vialte cu na ṭhio dih hna.

JOB 16:20

Pathian nih ka mitthli cu ka hmuhpiak seh law, Ka thlacamnak cu ka theihpiak ko seh.

JOB 42:11

Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

ṬAHNAK HLA 1:2

Zan ah lunghno in a ṭap, A bel ah a mitthli a luang; Amah a dawtu hna lakah khan A hnemtu pakhat hmanh an um lo; A hawi vialte cu rawitu ah an cang dih i a ral ah an i cang dih.

ṬAHNAK HLA 1:19

A ka dawtu kha ka kawh hna, Sihmanhsehlaw zumhawktlak an si ti lo; Khua chung i a ummi ka tlangbawi hna le upa hna kha, An thazang hrimh ṭhan awk caah rawl an kawl nain, Zeihmanh an hmu lo.

JOB 6:15

Ka unaule hna cu tivacek bantuk hlen hmangmi an si, Tivate a kuang a liammi bantuk an si;

JOB 6:20

An rak i zumh caah khan an hnabei a dong, Cuka cu an phan i an lung a ar.

SALM 31:12

Rak thi cang ning law cu bang, mi vialte nih an ka philh i hlonhmi thil bantuk ka si.

SALM 38:12

Thah a ka duhmi nih rap an ka chiahhnawh i ka cungah fahnak tlunter a duhmi nih khan, kan in hloh cang lai, tiah an ka tlerh; keimah hrawhnak ding kha chun nitlak in an tim.

SALM 69:9

Na biakinn ka ṭanhnak hi ka chungah mei bantukin a alh i nangmah an in nihsawhnak kha keimah cungah a tla.