JOB 15:21 - Lai (Hakha) Common Language Bible 2006

²¹ Ṭihnak thawng kha a hna chungah an au lai i Him tein ka um tiah aa ruah lioah, mifir nih an chuahhnawh lai.

JOB 15:21 Referans Kwoze

JOB 18:11

Ṭihnak nih a kenkip in an chuahhnawh i a hnulei in an dawi lengmang.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

BIAPHUAN 9:11

An uktu ah siangpahrang pakhat an ngei i dongh hngal lo khor a uktu vancungmi kha a si. A min cu Hebru holh in Abaddon ti a si; Grik holh cun Apollyon ti a si i a sullam cu “Hrawktu” tinak a si.

SALM 92:7

miṭhalo kha belh bantukin an ṭhan i thil ṭhalo a tuahmi hna kha thluachuah an hmuh hi a si; sihmanhsehlaw rawhralnak an hmu ko lai,

JOB 27:20

Harnak nih tilian bangin a phanh, zan ah phuchim nih a choih.

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

JOB 15:24

Chikkhatte ah muihnak ni nih cun a tlun hnawh i Harnak le lungretheihnak nih a ṭhawngmi siangpahrang bantukin amah cu tuk awkah an bawh ko.

JOB 18:14

A inn chung i him tein a umnak hmun khan an hnuh i Thihnak Siangpahrang ṭihnung hmaiah khan an chuahpi.

JOB 20:21

A ei dih hna ah cun a tangmi zeihmanh a um ti lo, Cucaah a rumnak nih cun sau a nguh lai lo.

JOB 22:10

Cucaah na velchum in rap a um i ṭihnak nih an tlunhnawh cu khuaruahhar awk a si lo.

JOB 24:17

A muimi zan cu an caah zingka a si, Zeicahtiah annih cu a thukmi muihnak hawikom kha an si.

PHUNGTHLÛKBIA 10:24

Miṭhalo cu a ṭihmi thil kha a cungah a tlung lai, sihmanhsehlaw miding nih cun a saduhthah kha a co lai.

ESTHER 7:6

Cun Esther nih cun aa thawh i, “Dotu le ral a simi cu hi miṭhalopa Haman hi a si!” tiah a ti. Cu tikah Haman cu siangpahrang le siangpahrangnu hmaiah cun a thin a phang ngaingai i a ther in a ther.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.