JOB 14:10 - Lai (Hakha) Common Language Bible 2006

¹⁰ Sihmanhsehlaw minung cu a thi i an vui, Mi nih cun a thaw hmanung bik a chuah i khuazei ah dah a um ti.

JOB 14:10 Referans Kwoze

JOB 19:26

Cun ka cuar cu hrawh a si dih tikah ka titsa in Pathian cu ka hmuh lai.

JOB 14:12

Minung cu a it i a tho ṭhan ti lo, Van hna khi an um ti lo hlan lo cu aa ṭhang lai lo. Mi cu a thih ahcun a nung ṭhan kho lai maw? Aa hngilhnak in aa hlau bal ti lai lo.

GENESIS 49:33

Jakob nih a fapale kha cu bantuk kha bantukin nan tuah lai tinak bia kha a chimh dih hna tikah a ke kha ihkhun ah khan a hun fim hna i a phunhawi mi hna sinah khan aa pum ve.

LAMKALTU 5:10

Chikkhatte ah a kehram ah khan a tlu i a thi. Tlangval hna cu an rung lut i a thih ve kha an hmuh i an chuahpi i a va kiangah khan an va vui.

MATTHAI 27:50

Jesuh cu fak piin a au ṭhan i a cat colh.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

JOB 11:20

Sihmanhsehlaw miṭhalo cu mitcawtnak nih khan a tlakhnawh lai i Luatnak lam vialte kha a thlau hna lai, An i ruahchanmi cu, an thaw hmanung bik chuah kha a si ko lai,” tiah a ti.

JOB 10:18

“Zeicahdah paw chung khan na rak ka chuahter? Ahohmanh nih an ka hmuh hlanah khan rak thi ning law, ka hei duh hnga dah.

JOB 3:11

Zeicahdah ka chuah ah khan ka rak thih ko lo? Paw chungin ka chuah ah khan ka thaw a rak dongh ko lo?

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

JOB 3:13

Kha lioah khan rak thi ning law, atu cu kaa din diam cang hnga.

JOB 13:9

Nannih kha an zoh hna tikah, a ṭha in an hmu hna lai maw? Mi nan hlen hna bantukin amah cu nan hlen lai maw?

JOB 14:9

Ti rim a theih cangka a corh ṭhan lai i thing langno bantukin a nge an borh ṭhan ko lai.

JOB 7:21

Zeicahdah ka phungbuarnak cu na ka ngaihthiam ko lo i, Ka ṭhat lonak cu na ka hlonhpiak ko lo? Zeicahtiah atu cu vawlei chungah ka it lai; Na ka kawl lai, sihmanhsehlaw ka rak um ti lai lo,” tiah a ti.

JOB 20:7

Amah ek bantukin a lo ṭhan ko lai; Amah a rak hmumi hna nih khan, ‘Khuazei ah dah a um?’ an ti lai.

PHUNGCHIMTU 3:20

An pahnih tein an fuhmi hmun cu aa khat ko — leidip kha a si ko. An pahnih in cuka cun an chuak i an pahnih in cuka ah cun an kir ṭhan lai.

PHUNGCHIMTU 3:21

Minung thlarau cu cunglei ah a kai i saram thlarau cu tanglei ah vawlei ah a lut tiah aho nih dah fiang tein an hngalh khawh lai?