JOB 12:22 - Lai (Hakha) Common Language Bible 2006

²² Muihnak chungin thilthuk kha a hun langhter i A thukmi muihnak chungah khan ceunak a ratpi.

JOB 12:22 Referans Kwoze

DANIEL 2:22

A thukmi biathuk kha a phuan; mui lakah zeidah aa thup ti kha a hngalh i ceunak nih amah cu a kulh.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1 KORIN 2:10

Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

JOB 3:5

Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih ṭhih seh.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

AMOS 5:8

Amah cu Likuk-canthum le Fizang kha a ser i, Muihnak kha zinglei ah a cantertu a si; Rili chung ti kha a auh hna i vawlei chungah a thlet hna;

MATTHAI 10:26

“Cucaah mi cu va ṭih hna hlah u. Khuhmi thil paoh kha hun dih an si ko lai i biathli vialte kha hngalh dih an si ko lai.

JOB 34:22

Thil ṭhalo tuahtu hna an i thuh khawhnak dingah Thihnak thladem a um lo i a thukmi muihnak zong a um lo.

SALM 139:12

asinain cucu zeihmanh a ṭhahnem hlei hnga lo, zeicahtiah muihnak cu nang caah cun a mui lo i zan hmanh kha chun tlukin a ceu ko. Nang caah cun muihnak le ceunak cu zeihmanh an i dang lo.

SALM 44:21

nangmah nih na hmuh ṭheoṭheo hnga, zeicahtiah minung lungthin chung biathli cu na hngalh dih.

JOB 24:17

A muimi zan cu an caah zingka a si, Zeicahtiah annih cu a thukmi muihnak hawikom kha an si.

JOB 11:6

Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

SALM 139:11

Muihnak kha, ka thup tuah, ka hei ti ko hnga, asiloah, ka velchum i ceunak kha, zan ah cang ka hei ti ko hnga,