JEREMIAH 9:23 - Lai (Hakha) Common Language Bible 2006

²³ Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

JEREMIAH 9:23 Referans Kwoze

ISAIAH 5:21

Nan lo cang! Kan fim nan ti, a fim ngaingai ah nan i ruat.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

ROM 1:22

Annih nih cun, kan fim, an ti, sihmanhsehlaw mihrut an si;

EZEKIEL 7:19

An ngun cu lam ah khan an hlonh hna lai i an sui cu hmunthur bantukin an hlonh hna lai; Bawipa thinhun ni ah cun an sui le an ngun nih khan a khamh kho hna lai lo. An rawlṭam kha a dam lai lo i an paw zong a khim lai lo; zeicahtiah an tluknak a chuahtertu cu an ṭhat lonak kha a si lai.

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

MARKA 10:24

Cu a chimmi bia an theih tikah a zultu hna cu an khuaruah a har ko. Asinain Jesuh nih a thawh ṭhan hna i, “Ka fale hna, Pathian Pennak chung luh hi zeitluk in dah a har!

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

EZEKIEL 29:9

Nangmah nih naa thawh i, ‘Nail tiva cu keimah ta a si, a sertu cu keimah ka si,’ na ti caah, Izipt ram cu ram pakpalawng ah a cang lai i annih nih Bawipa ka si kha an hngalh lai.

ISAIAH 10:8

Aa thawh i, “Ka ralbawi cu an dihlak in siangpahrang an si.

PHUNGCHIMTU 2:19

cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka ṭuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko.

1 SAMUEL 17:42

Cun Filistin mipa nih khan a hei zoh i David kha a hmuh tikah, zeite ah a rel lo; zeicahtiah amah cu mi sen tertarte, mi chuak thiam ngai, tlangval kate hi a si.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

1 KORIN 1:31

Cucaah cun Cathiang nih, “Porhlawt a duhmi cu Bawipa nih a tuahmi kha i porhlawtpi ko hna seh,” a ti bang khan, porhlawt a duhmi nih cun Bawipa nih a tuahmi tu kha an i porhlawt awk a si.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

FILIPI 3:10

Ka duhmi cu amah Khrih hngalh le a thawhṭhan ṭhawnnak hmuh ve le temhinnak a inmi in ve le amah thih bantukin thih ve lawng hi a si cang,

JOB 32:13

Cucaah kanmah nih fimnak cu kan hmuh cang, ti hlah u. Minung nih si loin Pathian nih a leh lai.

PHUNGTHLÛKBIA 3:5

Bawipa kha na lung chung dihlak in i bochan law Nangmah fimnak kha i rinh hlah.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 20:5

Ethiopia aa bochanmi le Izipt a um sawk tiah aa porhlawmi cu an ruahnak a khel ngaingai hna lai i vansang au in an um lai.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

JEREMIAH 48:7

Moab, nangmah nih na ralhau hna le na hriamnam hna kha naa bochan caah, nang zong lak na si ve lai; na pathian Khemosh cu a tlangbawi hna le a bawi hna he saltannak chungah a kal lai.

JEREMIAH 49:4

Nannih ṭhawnnak a dong cuahmahmi hna, Zeicahdah nan ṭhawnnak cu nan i porhlawt len ko? Nannih mah hriamnam aa bochanmi lamtlaumi hna, Zeicahdah nan hriamnam cu nan i bochan i ‘Ahohmanh nih an kan tu ngam lai lo,’ nan ti?

JOB 41:15

A keng cu a thuah in aa thuahmi phaw bantuk a si, Ṭeklung vampang in kulhmi bantuk a si.

SALM 33:5

Bawipa nih dinnak le ṭhatnak cu a duh; vawlei cu a fekmi a dawtnak in a khat.

SALM 34:3

Bawipa lianhngannak cu chim ṭi u si law a min cu thangṭhat ti u sih.

SALM 44:9

Sihmanhsehlaw atu cu maw Pathian, na kan hlawt cang i kan ral nih khan an kan tei cang; kan ralkap hna kha na kalpi ti hna lo.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JEREMIAH 48:14

“Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.