JEREMIAH 6:30 - Lai (Hakha) Common Language Bible 2006

³⁰ Annih cu ngun ek tiah ti an si, Zeicahtiah Bawipa nih a hlawt hna.

JEREMIAH 6:30 Referans Kwoze

HOSEA 9:17

Annih cu ka Pathian nih a hlawt hna lai, Zeicahtiah a bia kha an ngai lo, Annih cu miphun hna lakah mivakvai an si lai.

ISAIAH 1:22

Jerusalem, hlan ah cun ngun bantuk na rak si, sihmanhsehlaw atu cu zeihmanh man na ngei ti lo; zu thlum bantuk na rak si, sihmanhsehlaw atu cu na da cang.

SALM 119:119

Nang na mit hmuh ah cun vawleicung miṭhalo vialte hi hmunthur men an si dih, cucaah kei cu na nawlbia kha ka duh.

ISAIAH 1:25

Atu cu kan tongh cang hna lai. Ngun an thianh bantukin kan thianh hna lai i nan thurhnawmhnak vialte kha ka thianh dih lai.

ROM 11:1

A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

MATTHAI 5:13

“Nannih cu vawlei cite nan si. Sihmanhsehlaw cite kha a alnak cu a loh ahcun, zeitindah alter khawh a si ṭhan ti lai? Santlaihnak kha a ngeih ti lo caah hlonh awk le lamh awk men a si ko cang.

JEREMIAH 14:19

Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan ṭha deuh cu na kan ruahchanter ṭung, zeihmanh a ṭhami kan hmuh ṭung lo, Zeicahdah damnak caan cu na kan ruahchanter ṭung i rawknak lawnglawng a si ṭung?

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

PHUNGTHLÛKBIA 25:4

Ngun kha a ek hlonh law cu tikah zungthiam nih thil dawh ah a ser lai;

SALM 53:5

Sihmanhsehlaw Pathian nih nan ral hna cu an ruh kha a ṭhek dih hna caah an thin a phang ngaingai lai; hmasa i an thin a rak phan tawnning bantuk sawhsawh kha si loin atu cu an thin a phang taktak lai. Annih cu a hlawt cang hna caah an sung cikcek lai.

JEREMIAH 7:1

Hi bia hi Bawipa sinin Jeremiah sinah a rami bia a si.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

JEREMIAH 23:33

Hi mi hna nih si hna seh, profet nih si hna seh, tlangbawi nih si hna seh, ‘Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.