JEREMIAH 51:55 - Lai (Hakha) Common Language Bible 2006

⁵⁵ Zeicahtiah Bawipa nih Babilon cu a ṭhio lio a si i Khuachung thawngpang cu a daihter lio a si. Ralkap nih cun a awnmi tilet bantukin an luhhnawh i au thawng he an tuk.

JEREMIAH 51:55 Referans Kwoze

JEREMIAH 25:10

Cun annih sinin thanuamnak aw thawng le lawmhnak aw thawng vialte cu ka daihter lai; nupi ṭhipa aw thawng le a mo aw thawng le rawl rialnak lung aw thawng hna cu ka daihter hna lai; meiinn ceunak cu ka hmih dih hna lai.

BIAPHUAN 17:15

Vancungmi nih cun a ka thawh ṭhan i, “Hlawhhlangnu a ṭhutnak rilipi na hmuhmi kha miphun hna le ram hna le holh hna le mi hna an si.

LUKA 21:25

“Cun ni le thlapa le arfi ah khin hmelchunhnak an lang lai. Vawleicung ram hna cu rili tilet a thomi le a awnmi nih awlokchong in an tuah hna lai.

EZEKIEL 26:3

Cucaah Bawipa Pathian bia cu hihi a si: Tair, nangmah cu kan doh, Rili nih tilet a hun thawhter hna bantukin Na cungah miphun tampi kha ka thawhter hna lai;

JEREMIAH 51:42

Rili nih Babilon cu a phum cang, A awn hluahmahmi tilet hna nih cun an khuh cang.

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 15:1

Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

SALM 65:7

Rili thawng cu na daihter i tilet thawng cu na nemter; mi au thawng cu na daihter.

SALM 18:4

Thihnak nih a hri in a ka ṭem, rawhralnak tilian nih a ka tlunhnawh.

SALM 69:2

A thukmi nawncek chungah ka pil cuahmah i lamh awk a fekmi hmun a um lo. A thuhnak hmun ka phan cang i tilet nih an ka phum dengmang cang.

SALM 124:2

“Kan ral nih an kan tuk ah khan, Bawipa kha kanmah leiah rak ṭang hlah seh law

SALM 124:4

Kha tikah tilian nih khan a rak kan fenh diam hnga i ti nih khan a rak kan phum diam hnga.