JEREMIAH 51:16 - Lai (Hakha) Common Language Bible 2006
16 Nawl a pek hna bangin vancung i ti khi an awn, Vanhramdeng in minmei kha a thawhter. Ruah chungah cun nimtlau a lekter hna i A thilkhonnak chungin thli kha a chuahter hna.
Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.
Israel mi hna, nannih cu ka caah Kush mi bantuk nan si lo maw? Israel mi cu Izipt ram in, Filistin mi cu Kaftor ram in, Aramean mi hna cu Kir ram in ka hunpi hna lo maw?
Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i
Bawipa nih thlitu cu nitlaklei kap in ṭhawng ngaiin a hranter i khaubawk cu a choih hna i Rili Sen ah khan a thlak dih hna. Izipt ram chung a dihlak ah khaubawk pakhat hmanh an tang lo.
Cun Moses nih a ṭhiangṭhunh cu a hler i Bawipa nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubawk kha thli nih cun a chuahpi hna.
Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.