JEREMIAH 20:10 - Lai (Hakha) Common Language Bible 2006

¹⁰ Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 20:10 Referans Kwoze

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

SALM 31:13

Ka ral tampi nih a thli tein an ka congoih, ṭihnak nih a dum in a ka dum. ka loh nakhnga ding khua kha an khan i keimah thahnak ding khua kha an ruat lengmang.

ISAIAH 29:21

Mi congoih a hmangmi hna le misual dantat loin a luattertu hna le lihchim lomi nih biakhiahnak a dingmi an hmuh ding hmu kho loin a dawntu milihchim hna cu, Pathian nih a hrawh hna lai.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

LAMKALTU 24:13

Cu pinah sual an ka phawtmi zong hi ahmaan tiah an ti khawhnak zeihmanh a um lo.

EZEKIEL 22:9

Jerusalem, nangmah chungah hin bia lanhtu hna nih thisen chuahnak ding caah khan rian an ṭuan i nangmah chungah hin khuahrumbo rawl danghnak i rawl a eimi hna le zuanzamnak a tuahmi hna kha an um.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

PHUNGTHLÛKBIA 10:18

Huatnak a paw chungah a thupmi nih a hmur in lih a chim, hawi thangchiatnak a chimmi cu mihrut an si.

LUKA 20:20

Cucaah caan rem tu kha an bawh i mi ngiatu an thlah hna. “Zumh awktlakmi bantukin nan i umter lai i bia nan hal lai. A bia kha tlaih nan i zuam lai i cu a bia cu nawlngeitu mangki bawi sin i phakpinak ding ca i sonhtarhnak ah kan hman lai,” an ti hna.

JOB 19:19

Ka hawikom ṭha vialte nih an ka fih i ka dawtmi hna nih an ka ral.

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

LAMKALTU 5:33

Khawngsil pawl nih hi bia kha an theih tikah an thin a hung tuk hringhran i lamkaltu kha thah an duh ko hna.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

JEREMIAH 11:19

Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.

JEREMIAH 11:21

Cucaah ka nunnak kha lak a zal i, ‘Bawipa min in bia chim ti hlah, na chim ahcun kan in thah lai,’ a timi Anathoth khuami hna kong ah khan,

JEREMIAH 20:3

A thaizing ah a hreng cu a phoih i Jeremiah nih cun a thawh i, “Bawipa nih na min cu Pashhur an ti lo, Magor-missabib an ti cang,” tiah a ti.

JEREMIAH 37:13

Cun Benjamin kutka a phak tikah khan, ralvengtu pakhat a min Irijah a simi nih profet Jeremiah cu, “Khaldi mi hna sinah zam naa tim,” tiin a ti i a tlaih. Irijah cu Shelemiah fapa a si i Shelemiah cu Hananiah fapa a si.

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

SALM 31:14

Sihmanhsehlaw kaa bochanmi cu nangmah na si, maw Bawipa; nangmah cu ka Pathian na si.

SALM 41:10

Bawipa, ka zaangfah law damnak ka pe ṭhan ko; cun ka ral cu teirul ka cham ṭhan hna lai.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.