JEIM 2:9 - Lai (Hakha) Common Language Bible 2006

⁹ Sihmanhsehlaw mi cu a lenglei i an langhning lawngin na ti hna ahcun na sual cang, Nawlbia nih khan nawlbia buartu ah an hmuh cang.

Laibaibal Thiang (BSI)

⁹ asinain thleidannâk nan ngeih ahcun, sualnâk nan tuah i nawlbia lila nih nawlbuartu bangin thiamlo an coter hna lai.

JEIM 2:9 Referans Kwoze

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

JOHAN 8:9

Cu bia cu an theih tikah pakhat hnu pakhat in an i zukphiak dih, upa pawl kha an i zuk hmasa. Jesuh lawng cu a tang i a pawngah cun minu kha a dir ko.

1JOHAN 3:4

Sualnak a tuahmi paoh nih Pathian nawl a buar a si; zeicahtiah sual cu nawl buar a si.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

JOHAN 16:8

A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai.

JOHAN 8:46

Nan lakah hin ka sualnak a ka hmu khotu aho tal nan um maw? Biatak kan chimh ko hna, zeicahdah nan ka zumh duh lo?

JUDAS 1:15

“Zohhmanh, mi vialte kha an bia ceih awk le Pathian zei i a rel lomi misual vialte kha Pathian zeirello in an um ruang i an tuahmi sualnak vialte le Pathian kha zeirello in an thangchiatnak vialte ruang i sualphawt awkah, Bawipa cu a vancungmi mithiang rel cawk lo hna he an ra lai,” a ti.

GALATI 2:19

Asinain Nawlbia kong ti ahcun, kei cu a thimi ka si ko cang — Nawlbia nih khan a rak ka thah cang — cucu zeicahdah a si ti ahcun Pathian ca i ka nun khawh nakhnga caah a rak si. Kei cu Khrih he a vailam tahnak ah khan thah ka si cang

1 KORIN 14:24

Asinain nan dihlak in Pathian bia tu nan chim ahcun, a zum lomi maw asiloah mi pakhatkhat maw a rung luh tikah a theihmi bia nih cun a lungthin kha a vun dahter lai i a sualnak kha a hngalhter lai.

DEUTERONOMI 1:17

Biaceih tikah duhdanh nan ngei lai lo; mi hme siseh, mi ngan siseh, aa tluk in nan ngaihpiak hna lai; minung hmai kha nan ṭih lai lo, zeitintiah biakhiahnak cu Pathian ta a si; cun nan ca i a har tukmi bia cu ka sinah nan ratpi lai keimah nih ka ngaih lai,’ tiah nawl ka pek hna.

LAMKALTU 10:34

Peter nih cun aa thawh i, “Atu cu Pathian nih mi vialte kha aa ruang tein a zoh hna ti kha ka hngalh.