ISAIAH 63:7 - Lai (Hakha) Common Language Bible 2006

⁷ Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

ISAIAH 63:7 Referans Kwoze

EFESA 2:4

Sihmanhsehlaw Pathian nih a kan zaangfahnak cu a tam tuk i a kan dawtnak cu a ngan tuk hringhran caah

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

1 SIANGPAHRANG 8:66

A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

1TIMOTE 1:14

Cun kan Bawipa nih cun a tam ngaingaimi a vel kha a toih in a ka toih i Khrih Jesuh he kan i pehtlaihnak thawngin zumhnak le dawtnak kha a ka pek i cu hna cu kanmah ta an si cang.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

HOSEA 2:19

Maw Israel, nangmah cu ka nupi ah kan lak lai i na cungah dinnak le zumhtlak in ka um lai; dawtnak fek le zaangfahnak dong lomi in kan dawt lai i Bawipa cu na ka hngalh lai.

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

SALM 107:31

Cucaah Bawipa cu, an cung i thil ṭha a tuahmi ruangah khan le a fekmi a dawtnak ruangah khan, an lawmh hrimhrim awk a si.

SALM 107:21

Cucaah Bawipa cu, an cung i thil ṭha a tuahmi ruangah khan le a fekmi a dawtnak ruangah khan, an lawmh hrimhrim awk a si.

SALM 107:15

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 107:8

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 63:3

A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai.

NEHEMIAH 9:35

Nangmah nih na ṭhatnak a ngan ca i na pekmi hna an ram chung le an hmaiah na chiahmi ram ngan le ram rum chungah khan nangmah rian kha an ṭuan lo i an rian ṭhalo kha an mertak hna lo.

NEHEMIAH 9:31

Sihmanhsehlaw nangmah cu vel a ngei i zaangfah a thiammi Pathian na si caah le na vel ngeihnak cu a ngan caah an donghnak kha na phakter hna lo i na hlaw hna lo.

NEHEMIAH 9:27

Cucaah an ral hna kut chungah khan na chanh hna i annih nih an hrem hna. Sifahnak an in tikah nangmah cu an in auh i vancung khin na run theih hna; na zaangfahnak a ngan bantukin an ral hna kut chungin a khamhtu hna khamhtu kha na pek hna.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

2 CHANRELNAK 7:10

Thla sarihnak thla, a ni kul le ni thumnak ni ah mi cu an inn ah an tlunter hna i Bawipa nih David le Solomon le a mi Israel mi hna cung i ṭhatnak a langhtermi ruangah lunglawm le thanuam in an tlung.

MATTHAI 7:11

Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!

EXODUS 18:9

Jethro nih an cung i Bawipa a ṭhatnak vialte le Izipt mi hna sinin a khamh hnanak kong a theih tikah a lung aa lawm ngaingai.

SALM 25:6

Maw Bawipa, hlan piin ka cungah na rak langhter tawnmi na dawtnak fek le na zaangfahnak cu philh hna hlah.

SALM 92:2

Hri tampi a ngeimi tingtang le thonglawi aw dawh he, a fekmi na dawtnak thangṭhat in zingfate in hlasak le zumhawktlak na sinak zanfate in thanh cu a nuam hringhranmi a si.

SALM 145:7

Annih nih na ṭhatnak kha an chim lai, na velngeihnak kha hla in an sak lai.

ISAIAH 26:13

Bawipa, kan Pathian, midang nih an kan uk, sihmanhsehlaw kan Bawi cu nangmah lawnglawng na si.

ISAIAH 54:7

“Caan tawite chung cu kan kaltak, sihmanhsehlaw dawtnak thukpi he kan lak ṭhan.

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

ISAIAH 64:5

Ahmaanmi thil tuah duhnak a ngeimi kha na bawmh hna i nangmah nih cutin um hna seh ti na duhning a philh lomi cu na lawmh hna. Kan cungah na thin a rak hung, sihmanhsehlaw kan sual lengmang ṭhiam ko; kan cungah na thin a hung ko nain hlanlio piin kan sual lengmang ko.

SALM 103:2

Maw ka nunnak, Bawipa cu thangṭhat law zeitluk in dah zaangfahnak a ngeih kha philh hlah.