ISAIAH 63:11 - Lai (Hakha) Common Language Bible 2006

¹¹ Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

ISAIAH 63:11 Referans Kwoze

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

HAGGAI 2:5

Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, ṭih hlah u!

SALM 77:20

Na mi cu tuukhal bangin na hruai hna, Moses le Aaron kha na cawnghter hna.

NAMBAR 11:25

Cu tikah Bawipa cu minmei khan a rung ṭum i amah cu a chawnh i amah cung i a ummi thlarau kha tlawmpal in a lak i upa sawm sarih cungah khan a chiah; cun thlarau nih annih cungah a um tikah annih nih bia an chim cukmak. Sihmanhsehlaw cu bantuk cun an tuah ṭhan ti lo.

EXODUS 14:22

Israel mi cu rili chung khan vawlei ro cungin an kal, ti cu orhlei kam le kehlei kamah vampang bantukin aa chong.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

DANIEL 4:8

Sihmanhsehlaw annih nih an let kho lo. Asinain a dang pakhat ka hmaiah cun a ra chuak i amah cu Daniel a si, ka pathian min zulh in Belteshazzar ti zongah ti a si; amah cu pathian thiang hna thlarau nih an umhnawhmi a si.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

SALM 143:5

A liam ciami ni kha ka hun thei ṭhan hna; nangmah nih na tuahmi thil vialte kha ka hun ruat ṭhan hna i na tuahmi thil vialte kha ka hun hngal ṭhan hna.

SALM 25:6

Maw Bawipa, hlan piin ka cungah na rak langhter tawnmi na dawtnak fek le na zaangfahnak cu philh hna hlah.

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

EXODUS 14:30

Cu ni ah cun Bawipa nih Israel mi cu Izipt mi hna kut chung khan a khamh hna i Israel mi nih Izipt mi cu rilikam i an thih i an rilh liangluang ko kha an hmuh hna.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

SALM 51:11

Na umnak hmun khan ka ṭhawl hlah, na thiang thlarau kha ka lakkanh hlah.

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 106:44

Asinain Bawipa nih cun an auh tikah khan a theih hna i an temhinnak kha a hmuhpiak hna.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

ISAIAH 43:16

Hlanpi ah hin Bawipa nih rili tan in lam pakhat a rak ser i cu lam cu tilet chungin a kal.

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

BIACEIHTU 6:13

Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti.

SALM 77:12

Na tuah ciami thil vialte kha ka ruat ṭhan hna lai i ka lung chungin ka tuaktan hna lai.

SALM 78:52

Cun tuukhal bangin a mi cu a chuahpi hna i ramcar chungah khan lam a hruai hna.