ISAIAH 59:15 - Lai (Hakha) Common Language Bible 2006

¹⁵ Biatak chim kha a tlawm tuk hringhran caah ṭhat lonak tuah a duh lomi cu, mihrut ah rel an si,” an ti. Bawipa nih hihi a hmuh dih i dinnak a um lo caah a thin a hung.

ISAIAH 59:15 Referans Kwoze

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

ROM 8:36

Cathiang nih, “Nangmah ruangah chun nitlak thah hrulh lengmang in kan um; thah awk i kalpimi tuu bantukin an kan tuah,” tiah a ti bantuk khan a si.

LAMKALTU 9:23

Ni tam nawn hnuah khin Judah mi cu an i pum i Saul thahnak dingah khua an khang;

LAMKALTU 9:1

Cu lio hrawngah cun Bawipa zultu pawl kha Saul nih thah awkin a tlerh cuahmah lengmang ko hna. Tlangbawi Ngan sinah a hung kal i

2 KORIN 5:13

Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si.

LAMKALTU 26:24

Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

JEREMIAH 29:26

“Bawipa nih Jehoiada hmun ah khan tlangbawi ah an ser cang i atu cu biakinn chungah bawi bik na si cang. Cucaah na rian cu profet ka si aa timi, mihrut hna paoh kha thir cincik in khih le an hngawng i thirkual oih kha a si lai.

JEREMIAH 7:28

Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

2 SIANGPAHRANG 9:11

Jehu cu a bawipa sinum hna sin i a hung chuah tikah khan, annih nih amah cu, “A ṭha dih maw? Zeicahdah hi mihrutpa hi na sinah khan a rat?” tiah an ti. Cun anih nih annih cu, “Nannih nih amah cu nan hngalh i a bia zong nan hngalh ko kha ta,” tiah a ti hna.

GENESIS 38:10

A tuahmi nih khan Bawipa cu a lawmhter lo caah amah zong cu a thah ve.

JOHAN 10:20

Mi tampi nih, “Khuachia a ngei, a hrut cang, zeicahdah a bia nan ngaih?” an ti.

ISAIAH 1:21

Zumhawktlak a rak si tawnmi khua kha, atu cu hlawhhlangnu a si cang. Hlanah khan cun a chungah miding an rak um tawn, sihmanhsehlaw atu cu lainawng pawl lawng an tang cang.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

ISAIAH 10:2

Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakṭah kha an thil le an ri nan chuh hna.

ISAIAH 29:21

Mi congoih a hmangmi hna le misual dantat loin a luattertu hna le lihchim lomi nih biakhiahnak a dingmi an hmuh ding hmu kho loin a dawntu milihchim hna cu, Pathian nih a hrawh hna lai.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

AMOS 5:10

Ṭhat lonak tuahtu zung i a chuahpitu a hua i Biatak a chimmi a fihmi hna:

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

ISAIAH 66:4

Cucaah cun ka kawh tik hna i an ka leh duh lo ca le ka chawnh tik hna i an ka chawnh duh lo caah an ṭihmi thil thengte, rawhralnak kha an cungah ka tlunter lai. Ka nawl zulh duh lo i ṭhat lonak tuah cu an i thimmi a si,” a ti.

ṬAHNAK HLA 3:36

Zung chung i biading merh hna hi Bawipa nih a hnatlakpimi an si bal lo.