ISAIAH 58:10 - Lai (Hakha) Common Language Bible 2006

¹⁰ rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.

ISAIAH 58:10 Referans Kwoze

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

JOB 11:17

Cun na nunnak cu chun nakin a ceu deuh lai, A muihnak cu zingka bantuk a si lai.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

ISAIAH 29:18

Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.

PHUNGTHLÛKBIA 28:27

Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

SALM 41:1

Sifak zawn a ruatmi cu lunglawmmi a si, harnak chung i a um tikah Bawipa nih a bawmh lai.

ISAIAH 60:2

Miphun dang cu muihnak nih a huh hna lai, sihmanhsehlaw nang cungah cun Bawipa ceunak cu a ceu lai; a sunparnak lianhngannak cu na sinah a um lai.

EZEKIEL 18:16

A rawl a ṭammi kha rawl a pek hna i hnipuan a ngei lomi kha hnipuan a pek hna.

ZEKHARIAH 6:15

Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

ZEKHARIAH 14:7

A dihlak in ni khat a si dih ko lai i cu ni a rat lai ding cu Bawipa lawnglawng nih a hngalhmi a si, chun zan ti zeihmanh a um lai lo, zan ah ceunak a um ko lai.

DEUTERONOMI 15:4

Nannih lakah mipam nan um lai lo (zeitintiah Bawipa nan Pathian nih ro ca i co awkah an pekmi hna ram chungah thluachuahnak an pek hna lai),

JOB 31:31

Ka sin i rian a ṭuanmi dihlak nih, khualtlung ka donh bal hna lo le

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.